Frank Lentini

Frank Lentini (Rusalini 8 di giugnettu 1884 oppuru 1885 o 1889 - Jacksonville 22 di sittèmmiru 1966) fu n'òmunu di spittaculu. Nasciu a Rusalini cu na gravi malformazzioni. Darreri la jamma ritta havìa na jamma superchiu lonca quasi comu a l'àutri dui, e ca putia cuntrullari comu na terza jamma. Havia puru dui organi genitali cumpleti e funziunanti. Passau tutta la so prima parti dâ sò vita n manera pinusa. Sò patri e sò matri pruvaru a cunsurtari li duttura di l'èbbica, ma rinunciaru a l'opirazzioni ca era cunsidirata troppu rischiusa.

Frank Lentini picciutteddu.

Quannu, picciutteddu, la sò famigghia emigrau â Mèrica, Frank addivintau n'artista di successu, n particulari ô circu Barnum. Desi spittaculi dâ sò arti pi quasi tutta la sò vita e addivintau assai canusciutu. Si spusau e appi quattru figghi.