Frunti di l'Omu Qualunqui
Lu Frunti di l'Omu Qualunqui ('n italianu Fronte dell'Uomo Qualunque - UQ) hà statu nu partitu puliticu italianu funnatu da l'omònimu jiurnali (L'Uomo qualunque), funnatu a Roma nnô 1944 da Guglielmo Giannini.
| (IT) Fronte dell'Uomo Qualunque | |
 | |
| Sicritariu | Guglielmo Giannini |
|---|---|
| Statu | 
|
| Sidi | Roma |
| Funnazioni | 18 di frivaru 1946 |
| Dissuluzioni | 1949 |
| Idiolugìa | Libbiralismu cunsirvaturi, Pupulismu di destra, Qualunquismu. |
| Cullucazioni | Centru-destra |
| Cualizzioni | Bloccu Nazziunali |
| Siggi massimi Assimbrea Custituenti |
30 / 556 |
| Siggi massimi Camira |
4 / 574 |
| Siggi massimi Sinatu |
3 / 273 |
| $fini | |
Stòria
canciaGiannini funnau lu piriòdicu a la fini di lu 1944, dopu la libbirazzioni di Roma. Nnû maiu 1945 avìa vinnutu chiossai di 850 mila copi, nu nùmmaru granni pi ddu tempu. Lu fini dû jiurnali era chiddu di dari vuci a l'upinioni di l'omu di strata, cuntrariu a lu rigimi dî partiti, a lu fascismu, macari a lu cumunismu e a li antifasciti di prufissiuni.
La nàscita di nu partitu pupulista vinìa a criarisi cu lu Guvernu Parri, accusatu da lu jiurnali d'èssiri inadequatu a la càrica di guvernu. Lu Frunti di l'Omu Qualunqui cuncipìa nu statu nun di natura pùlitica, ma amminstrativa, nu statu tecnicu. Pi Giannini lu statu avìa èssiri menu prisenti nta la sucitati, l'ècunumia avìa èssiri lassata ê privati nta nu sistema libbirista.
Nta l'elizzioni pulitichi dû 1946 pi l'Assimbrea Custituenti, lu Frunti di l'Omu Qualunqui uttinni lu 5,3 dî prifirenzi e mannau 30 diputati a l'assimbrea addivintannu lu quintu partitu nazziunali. Lu partitu si prisintau puru nta l'elizzioni riggiunali 'n Sicilia dû 1947, nta l'allianza di lu Bloccu Dimucràticu Libbiral Qualunquista nzèmmula cu lu Partitu Libbirali Italianu, pigghiannu lu 14,8% e 12 siggi. Dopu aviri tintatu n'allianza cu la Dimucrazzìa Cristiana e lu MSI, Giannini s'avvicinau a lu leader cumunista Palmiro Togliatti, ma misu ê stritti da li simpatizzanti, abbannunau lu PCI pi strinciri allianza cu lu PLI. Nni l'elizzioni pulitichi dû 1948 Giannini trasìu nta lu Bloccu Nazziunali. Cu lu scarsu risurtatu li membri pulitici di lu partitu passaru a lu Partitu Nazziunali Munarchicu, ô PLI e nta lu MSI.
Risurtati
cancia| Voti | % | Seggi | ||
|---|---|---|---|---|
| Pulitichi 1946 | Assimbrea Custituenti | 1 211 956 | 5,27 |
30 / 556 |
| Pulitichi 1948 (lista Bloccu Nazziunali) |
Camira | - | - |
4 / 574 |
| Sinatu | - | - |
3 / 237 |