Funemi
parti cchiù nichi di na lingua ca sèrvinu pi distìnguiri significati diversi
Li funemi sunnu li parti cchiù nichi di na lingua ca sèrvinu pi distìnguiri significati diversi: si pigghiamu la palora "cani" e la palora "pani" videmu ca lu canciu di significatu cc'è grazzî a l'upposizzioni di /p/ e /k/ e allura ssi dui sunnu dui funemi di lu sicilianu e "pani e "cani" si chiàmanu coppî mìnimi.
Ogni lingua havi li sò funemi e nfatti chiddi ca sunnu funemi ntra na lingua ponnu èssiri sulu varianti ntra n'àutra.