Gal
U gal, o galileo, (simmùlu: Gal) eni 'na unitati di misura di l'accilirazzioni ca fa parti di lu sistema CGS. Pigghìa u nomu da lu astronumo Galileo Galilei, studiusu talianu du tardu rinascimentu ca condussi mpurtanti studi su l'accilirazzioni gravitazionali terrestri.
| Gal | |||
|---|---|---|---|
| Nfurmazzioni ginirali | |||
| Sistema | CGS | ||
| Grannizza | accilirazzioni | ||
| Eponimu | Galileo Galilei | ||
| 'N unitati basi CGS | cm × s−2 | ||
Cunvirsioni
| |||
| Unitati SI | 0,01 m/s² | ||
| Unitati US/Imp | ≈0,0328084 ft/s² | ||
Ci si pò rifiriri a la unitati comu "gal", pi esprimiri 'na misura si utilizza sulu u simmùlu "Gal" (cu la "G" maiuscola), 'n modu da evitari pussibbili cunfusioni cu galluni (simmùlu: gal cu la "g" minuscola, unitati di misura ngrisi di lu vulumi. U gal eni na unitati uguali a 1 centimetru pi secunnu quatratu (cm/s²), ca ntô sistema 'ntirnazziunali di unitati di misura currispunni a 0,01 m/s².
Nun facennu parti di lu Sistema Ntirnazziunali, u gal veni usatu picca comu unitati di misura di l'accilirazzioni, a vantaggiu inveci di lu metru ô secunnu quatratu. Nu sò suttamultiplu, u milligal (simmùlu: mGal), trova postu na l'ambitu tecnicu di la gravimetria geufisica, dunni veni utilizzatu pi la misurazzioni di l'accilirazzioni gravitazionali terrestri (g), tramiti apparecchiaturi chiamati gravimetri.
Cunsidirannu l'eguaglianza 1 Gal = 0,01 m/s² e lu valuri cuvvenzionali di g = 9,80665 m/s² si otteni ca lu valuri mediu standard di l'accilirazzioni gravitazionali terrestri misura 980,665 Gal, ossia 9,80665 × 105 mGal.