Galatina

Cercamu persune de lu Salentu ntirissate a scrìvire artìcule, crande o pìccule, 'n salentinu per lu nosthru pruscettu nciclupèdicu Wikipedia. Putete scrìvire quiddhru ca vulete (per esempiu l'artìcule subbra le cumune salentine). Ma per favure, lasciate una thraduzione de le parole diffìcile e ndicàte la pruvenienza de la parlata salentina usata. Nun mporta se sete leccisu, brindisinu, o tarandinu, sempre salentinu sete! Crazie.

St'artìculu è scrittu 'n sicilianu standard, si stai circannu l'artìculu scrittu 'n salentinu di Sulitu (LE), vidi Galatina (artìculu 'n salentinu).

Galatina



Nomu ufficiali:	Galatina
Riggiuni:	Pugghia
Pruvincia:	Lecci (LE)
Cuurdinati:	40°10'0"N, 18°10'0"E Ammustra ntâ mappa
Superfici:	81 km²
Abbitanti:	27.710
Dinzitati:	347 ab./km²
Cumuni cunfinanti:	Aradeu, Cupirtinu, Corianu, Cutrufianu, Galàtune, Lècule, Nardò, Sichilì, Sujanu, Sulitu
CAP:	73016
Prifissu telefònicu:	+0836
Situ ufficiali:	http://www.comune.galatina.le.it

Galatina è nu cumuni salentinu ca su trova nta la pruvincia di Lecci. Havi chiù o menu 30.000 abbitanti e tri frazzioni: Culumìtu, Nove (ca è la cchiù mpurtanti) e Santa Bàrbara.

Nomu anticu

Lu nomu anticu era "San Pietro Galatino".

Architittura e cultura

Galatina havi nu saccu di cresi mpurtanti e beddi, comu la matrici ca è didicata a Santu Pietru e la basìlica di Santa Catarina, ca è monumentu nazziunali, tantu bedda ca li turisti vèninu sempri pi taliàrila. N'àutra cosa mpurtanti, a'nnanzi a la villa, è la crisudda di Santu Pàulu. Si dici ca dintra di lu puzzu ca stà arretu a la cresia, ca ora è chiusu, avìa na funtana ca arriniscìa a sanari li tarantulati, chiddi ca èranu muzzicati di li taràntuli.

Li tarantulati abballàvanu prima a casa, accumpagnati di li tambureddi ca sunàvanu pìzzica; poi, jìvanu a la cappilletta p'addumannari la grazzia a Santu Pàulu, o pi'arringrazziàrilu pirchì ci avìa fattu lu miràculu. Santu Pàulu dava la grazzia sulu doppu ca li tarantulati vivìanu l'acqua di la funtana e poi fommecàvanu nta lu puzzu. Ogni annu, lu 28 di giugnu, turnàvanu pi fari attorna la grazzia. Parciò li tarantati ca si fannu puru oji.

A'nnanzi a la villa c'è puru na funtana di brunzu ca si chiama "Lampada senza luce", ma ca tutti chiàmunu La Pupa. La fici l'artista galatinisi Gaetano Martinez (1892-1951), e a lu 1936 l'ammustraru a la Biennali di Vinezzia. A latu di la Pupa c'è lu monumentu di li caduti, nu surdatu di brunzu ca mbrazza na scupetta.

Dialettu

Lu dialettu di Galatina apparteni a la famigghia di la lingua siciliana: è lu dialettu salentinu. A Galatina si parlava puru un dialettu arbëreshë.

Vidi puru

Purtali di lu Salentu – Jiti a l'artìculi di Wikipedia supra lu Salentu.