Gerardina Truvatu

(Rinnirizzata di Girardina Truvatu)

Gerardina Truvatu (Catania, 27 di maiu 1967) è na cantautrici siciliana di successu.

Biografìa cancia

Figghia di nu famusu dutturi catanisi e di na casalinga, cunzequi a 19 anni lu diproma di raggiunarìa e si trasfirisci quasi sùbbutu a Roma, ntô ntentu di tràsiri a fari parti di lu munnu dâ mùsica. Doppu arcuni spirienzi comu curista, grazzi a l'amicu jurnalista Piero Vivarelli arrinesci a fari ascutari na sò cassetta-demo a Caterina Caselli, prupitaria nzèmmula a lu maritu di l'etichetta discugràfica Sugar; la ex cantanti taliana arresta furgurata dâ vuci di Gerardina e ci affida lu prudutturi Mauro Malavasi pi priparari lu sò primu album Girardina Truvatu.

Debbutta davanti a lu granni pùbbricu ô Festival di Sanremu ntô 1993 cu la canzuni Ma Non ho più la mia città, chiazzànnusi secunna ntâ sizzioni Pruposti novi. Sequi la pubbricazzioni di l'album e, ntâ stati, lu successu dû sìngulu Sognare Sognare.

Ntô 1994 è di novu a lu Festival cu Non è un film, na canzuna mpignata ca dinunza l’urruri dâ guerra ‘n Bosnia. La canzuna si classìfica a lu quartu postu ntâ catigurìa "Big" e veni succissivamenti suppurtata di un vìdiu giratu di Oliviero Toscani, ntô quali a Girardina, appujata a nu muru jancu, vèninu prujittati ncoddu dî cruenti mmàggini di guerra. Lu stissu annu ntèrprita Vivere nzèmmula a Andrea Bocelli (branu ca finisci, ntô 1995, ntô cd best-seller di Bocelli "Romanza", album c’havi vinnutu cchiù di 25 miliuna di copi nta tuttu lu munnu). Tutti li dui canzuni fannu parti di lu secunnu discu di Girardina, Non è un film, nisciutu a ridossu dâ kermesse musicali e vincituri d’un discu di plàtinu pi li vìnniti (100 mila copi).

Ntô 1996 pùbbrica lu sò terzu album,Ho trovato Gerardina, lu cui primu sìngulu è Piccoli già grandi, un granni successu di la stati 1996.E' na Girardina liggermenti cchiù "duci" e riflissiva supra l'amuri chidda ca s’apprisenta nta dd'annu, senza pirò rinunzari a trattari timàtichi veru pirsunali comu ‘n "Voglio di più" e "Amori amori". Nortri, nta stu disco è nclusu un biddìssimu duettu cu Renato Zero, dû tìtulu E già.

Ntô 1997 veni pubbricatu lu primu Greatest Hits di Girardina, ntitulatu "Il sole dentro", comu unu di li dui nèditi facenti parti di la ricota:"Il sole dentro", appuntu, canzuna scritta di Enzo Gragnaniello, e "Nascerai".

Doppu 2 anni di vera assenza dû granni pùbbricu, Gerardina si riprisenta ntô 2000 ô Festival di Sanremu cu la canzuna autubiogràfica Gechi e vampiri. Lu pezzu utteni sùbbutu n’òttimu riscontru, chiazzànnusi a lu 1o postu nta la classìfica di la giurìa pupulari, ma veni purtroppu pinalizzatu di li voti di la giurìa di qualitati, la quali lu riliga a lu 10o postu. Ntâ classìfica finali di dd'edizzioni,"Gechi e vampiri" si classìfica a lu 6o postu. Doppu lu Festival veni pubbricatu lu secunnu Greatest Hits di Girardina,"Gechi,vampiri e altre storie", lu quali utteni lu disco d’oru pi li vìnniti.

Ntô 2003 si riaffaccia supra la scena musicali duittannu cu li VerbaVolant ntô branu "M'ama non m'ama".

Ntô 2005 lu ritornu a lu granni pùbbricu, participannu a lu reality show Music Farm cunnuttu di Simona Ventura, ntô quali arresta pi dù simani.

Nta la stati di lu 2006 torna cu un novu sìngulu di lu tìtulu Un'altra estate.

Discugrafìa essinziali cancia

Liami nterni cancia