Giuvanni III di Pulonia

Giuvanni III di Pulonia ('n pulaccu Jan Sobieski) (Olesko, 17 di austu 1624 - Wilanów, 17 di giugnu 1696) hà statu nu re pulaccu.

Ntô mentri ca cumannò la Cunfidirazzioni Pulaccu-Lituana dû 1674 ô 1696, vinni chiamatu dê Turchi Liuni di Lehistan.

Biografìa

Giuvanni nascìu a Olesko, ntî l'attuali Ucraina, di Giacumu Sobieski e Zofia Teofillia (Daniłowicz), na famigghia nòbbili, e di carusu cummattìu cuntra ê Cusacchi, Tartari, Svidisi e Muscuviti.

Spusau na francisa, Marie Casimire, dama di curti dâ riggina di Francia jiuncènnusi accussì ô partitu francofilu e favurennu la cannidatura dû principi di Condè ô tronu pulaccu. Eliggiutu re di Pulonia ntô 1674; aiutau lu mpiraturi Leopold I cuntra li forzi uttumani abbattennu sutta ê mura di Vienna, cu na manovra giniali dâ sò cavallirìa, di iddu stissu cumannata, la megghiu parti di l'esercitu di Kara Mustafa (12 di sittèmmiru 1683).

Ntô mentri dû sò regnu appi a cunnùciri verri uffinzivi e difinzivi p'addifinniri i cunfina dâ nazziuni (cchiù granni di chidda attuali cuntannu macari Lituania, Bielorussia ed Ucraina) dâ putenza russa e uttumana, macari jiuncènnusi cu Imperu, Papatu e Vinezzia.

Murìu a Wilanów n Pulonia lu 17 di giugnu 1696.