Goliarda Sapienza

Sta pàggina è òrfana, zzuè nun àvi lijami a tràsiri. Pi favuri, agghiunci na lijami a sta pàggina e scancella st'abbisu. Pâ lista cumpleta dî pàggini òrfani, vidi a pàggina dâ catigurìa.

Goliarda Sapienza (Catania, 10 di maiu 1924 – Gaeta, 30 di austu 1996) fu n'attrici di tiatru e di cìnima e scrittrici siciliana. È arricurdata pâ sò pirsunalità sfaccittata e cumplessa, e pû successu granni dû sò rumanzu, pubbricatu postumu, L'arti dâ gioia. Veni cunzidirata una dî scrittura cchiù mpurtanti dâ littiratura italiana dû vintèsimu sèculu.

Biografìa

Goliarda Sapienza nascìu a Catania dâ sinnacalista Maria Giudice, la prima diriggenti fìmmina dâ Càmmira dû Travagghiu di Turinu, e l'avvucatu sucialista Giuseppi Sapienza. Li sò ginituri, tutti dui vìduvi, cu tri figghi pi unu e setti pi l'àutru, la crisceru nna nu clima di libbirtà assuluta dî vinculi suciali: lu patri ritinìa apprupriatu mancu la lassàrila friquintari la scola, pi evitari ca sò figghia fussi suggetta a mpusizzioni e ê nfruenzi fascisti. Goliarda Sapienza, pigghia lu nomu di nu sò menzu frati, Goliardu Sapienza, annijatu 'n mari tri anni prima dâ sò nàscita, prisumibbirmenti ammazzatu dâ mafia, e ca difinnìa li ntiressi dî prupitari tirreri, o dî fascisti.

Cinima

A sidici anni s'iscrivìu all'Accademia Nazziunali d'Arti Drammàtica a Roma, unni ntô frattiempu s'avìa trasfirutu la sò famìgghia. Pi nu pirìudu iḍḍa fici puru na carrera comu attrici di tiatru, distinguènnusi ntê roli di prutagunista Pirandellianu. Iḍḍa travagghiàu puru ogni tantu ntô cinima, 'n princìpiu guidatu di Alessandro Blasetti ma poi si limitàu a cumparsi nichi comu caminata, spissu senza accreditu, comu nna Senso. di Luchinu Visconti. Ntô 1946 canuscìu lu giòvini riggista Citto Maselli, cu cui accuminzau na rilazzioni l'annu doppu, ca durau diciott'anni. Succissivamenti si maritàu cû scritturi e atturi Angelo Pellegrino. Nna l'urtimi anni dâ sò vita fu prufissuri di ricitazzioni ntô Centru spirimintali di cinimatografìa a Roma, doppu l'intiressi dâ sò amica Lina Wertmüller. Ntô 1994 ricitàu iḍḍa stissa ntâ ducumintazzioni didicata a iḍḍa, Frammenti di Sapienza, criata e diriggiuta di Paolo Franchi. Lu ducumintàriu fu prisintatu ntô Festival dû cinima di Vinezzia.

Littiratura

Lassàu la carrera di ricitazzioni pi didicàrisi â scrittura. Lu sò primu rumanzu fu "Littra aperta" (1967), ca cuntava la sò nfanzia a Catania, siquitu di "Lu filu di menzujornu" (1969) nu resucuntu dâ terapia psicanalitica cu lu dutturi missinisi Ignazziu Majuri. Ntô 1980 finìu ‘n carciri, unni fu arristata pi cincu jorna, pû furtu di quarchi gioiellu di n'amica ca vinnìu a nu pegnu usannu la carta d'identità di sò cugnata . Ancora 'n carciri, ma puru succissivamenti, cuntinuau lu sò travagghiu di scrittrici, pirò pubbricannu assai picca, cu l'eccizzioni d'arcuni sò òpiri comu L'Univirsitati di Rebibbia e Li cirtizzi dû dubbiu, pubbricati grazzi a l'incontru cû cumpagnu pueta e edituri Beppe Costa, ca cummattìu pi iḍḍa pi tantu tempu.