Google scholar

Google Scholar eni nu muturi di circata ca ponnu utilizzari tutti chiddi ca cci hannu nu cumpiuter cu la cunnissioni internetti e duna la pussibbilità di truvari testi di chidda ca si chiama la littiratura accadèmica comu artìculi suttuposti a rivisioni, tisi di làuria e dutturatu, libbra, preprint, summari, ricinziona e rapporti tecchìnici di tutti li sittura dâ ricerca. Google Scholar duna la pussibbilità di truvari artìcoli di nu saccu si casi editrici ca si rivòlginu ô munnu dû studiu e dâ ricerca, a assuciazzioni scintìfichi e prufissiunali, univirsità, e tutta la galassia di artìculi scintìfichi e culturali ca si tròvana supra lu Webbe.

L'artìcula ca sù ndicizzati cumprènninu macari chiddi pubbricati di Elsevier (lu cchiù granni edituri scintìficu a liveddu glubbali, e nta la sò funzioni eni sìmili ô muturi di circata nternu Scirus di Elsevier e di Citeseer. Eni macari tantu sìmmili a chiddi ca si pàianu Scopus e Thomson ISI Web of Science. Google Scholar nta tutti li casi dici ca iddu arrinesci a cupriri cchiù siti webbe, surgenti jurnalìstichi e lingui di tutti l'àutri.

La sò nciuria eni Acchiana supra li spaddi dî giganti (ntô ngrisi: stand on the shoulders of giants) e eni n'isprissioni ca fu pigghiata dâ famusa frasi di Isaac Newton "Si ju vitti cchiù luntanu di viàutri eni picchini cci jìu supra li spagghi dî giganti ca vìnniru prima di mia". La nciuria si rifirisci â pussibbilità di capiri cosi ô liveddu dî prufissura univirsitari, cosa ca oi eni pussìbbili câ ticnoluggìa ca ni pirmetti lu World Wide Web.

Google Scholar ni duna la pussibbilità di circari copi fìsichi e/o diggitali di artìcula macari si chissi appartennu a bibbliotechi onlain (Dati n'ucchiata ô linki ngrisi [1]). Si l'artìculu eni dispunìbbili libbiramenti supra lu webbe, sti liamenti vèninu ammustrati.

Liamenti sterni

• Pàggina dû muturi di circata
• Parra di Google Scholar ntô ngrisi
• Google Scholar: The New Generation of Citation Indexes. Libri 55(4): 170-180.