Grigori Perelman

Grigori Perelman è nu matimaticu russu. Nasciutu a San Pietruburgu lu 13 di giugnu dû 1968, è canusciutu pî sò cuntribbuti dicisivi â dimostrazzioni dâ cungittura di Poincaré. Pi chistu vincìu la midaglia Fields, lu massimu ricanuscimentu dâ matimàtica. Nvitatu â cirimonia, Perelman, però, rifiutau di ìricci e rifiutau puru di ricìviri lu premiu. Abbannunau cumplitamenti la ricerca scintìfica e campa a San Pietruburgu cu sò matri, n cunnizzioni assai mudesti.