Jìditu

Ciascuna dî parti mòbbili cu cui tirminanu li manu e li pedi di l’omu e li zampi d'arcuni armali, lu cui schèlitru è distintu e articulatu 'n picciddi ossa: li cincu jìdita dâ manu; la punta dî jìdita; ndicari, amminazzari cû jìditu, cu l’ìndici.

Macari è la parti dû guantu ca cummigghia un jìditu dâ manu: lu tô guantu havi un jìditu spirtusatu; guanti senza jìdita, menzi guanti; jìdita di gumma, chiddu usatu pi cummigghiari un jìditu malatu, firutu.