Jocu d'azzardu
Lu jocu d'azzardu cunzisti ntô scummèttiri dinaru o àutri beni supra lu futuru esitu di n’abbinimentu: pi tradizzioni li quoti si pàianu ‘n cuntanti, e (tra galantòmini) lu sàudu d’abbintuali dèbbiti havi a abbèniri dintra li 24 uri.
‘N gèniri st’abbinimentu pò èssiri nu jocu di carti comu lu poker, nu jocu di sucitati comu la roulette, nu jocu pupulari comu la morra o l'òrdini d’agghicata di na gara, comu le cursi dî cavaddi, ma ‘n lìnia di principiu quarsiasi attivitati ca prisenta nu màrgini di ncirtizza si presta a scummisi supra lu sô risurtatu finali, e quinni pò èssiri uggettu di jocu d'azzardu. Online, lu jocu d'azzardu pruspera: oltri a li casinò virtuali asìstinu siti chî ricinzioni di chisti ùrtimi, cumunitati di jucatura e forum di discussioni didicati a appassiunati scummittitura.
Praticamenti ‘n ogni paisi europeu ca lu pirmetti, l'urganizzazzioni dû jocu d'azzardu è gistuta dû statu lu quali appalta a ditti privati, d’arreri paiamentu di na forti tassa, la sclusiva ‘n na certa zona: chistu pirchî l'attivitati di gistioni di nu casinò o di n’agginzìa scummisi è strimamenti ridditizzia e si presta a tanti tràffici nun ligali, comu riciclaggiu di danaru lordu, stursioni, usura e àutri attivitati criminali urganizzati, facennu ndispinzàbbili un sô strittu cuntrollu: pi liminari lu prubbrema, arcuni stati vètanu lu jocu d'azzardu supra lu sô tirritoriu, ma stu divetu porta â nascita di casi di jocu clannistini ancura menu cuntrullàbbili di chiddi ufficiali, e ô sùrciri di formi di "turismu" versu stati cu liggislazzioni cchiù pirmissivi.
Li jòcura d'azzardu di li casinò e li sistemi di quotie di l’agginzìi di scummisi sunnu urganizzati ‘n modu tali di favuriri lu bancu, garantennu â gistioni, pi la liggi dî granni nùmmari, nu ntruitu siguru (megghiu: asintuticamenti certu) e prupurziunali a lu nùmmaru dî jucatura e â ntitati dî puntati. Sempri pâ liggi dî granni nùmmari, di l'àutra parti di lu tàulu cchiù a longu nu jucaturi joca, cchiù danaru risica/arrisica di pèrdiri, e cchiù certa addiventa la pèrdita. Nunustanti si favuleggi di sempri, ntô munnu dî jucaturs, di sistemi cchiù o menu nfallìbbuli pi vìnciri a chistu o ddu particulari jocu ‘n rialtati si pò dimustrari matimaticamenti la sô nifficacia. Asìstonu mmeci li bari, prufissiunisti o menu.
Lu jocu d'azzardu pò addivintari ‘n arcuni pirsuni na vera e propia patoluggìa, diagnusticàbbili e curàbbili attraversu n'adiquata psicutirapia, ca l’ammutta a jucari cumpulsivamenti pi campari l’emuzzioni e l'eccitazzioni dû risicu, ch’è tantu cchiù forti quantu cchiù àuta è la posta: puru siddu sti pirsuni sannu/sàpinu pirfittamenti comu funziona lu munnu di lu jocu d'azzardu, cuntinùanu a jucari senza firmàrisi, ca stannu vincennu o pirdennu, finchî nun hannu pirdutu tuttu zoccu putìanu jucari. Pirchissu assai spissu si dici ca cu è malatu/ammalatu di jocu d'azzardu ‘n rialtati nun joca pi vìnciri, ma pi pèrdiri.
‘N Italia la liggislazzioni pirmetti lu jocu, li scummisi e li luttarìi, sulamenti siddu svurciuti ‘n modu auturizzatu di l'auturitati pùbbrica.
Unu dî modi ‘n cui lu jocu d'azzardu pò èssiri svurciutu è tràmiti li casinò, ca sunnu urganizzazzioni situati sulu ‘n arcuni lucalitati sprissamenti auturizzati: Vinizzia, Sanremu, Saint-Vincent e Campiuni d'Italia. Jòcura tìpici dî casinò sunnu: roulette, blackjack, chemin de fer, carribean poker, slot machine.
L’agginzìi di scummisi mmeci ponnu asircitari la sô attivitati supra tuttu lu tirritoriu nazziunali. Dû dicèmmiru di 2001 foru auturizzati macari di l’agginzìi ca gistìscinu, previa appusita appruvazzioni, nu jocu d’urìggini anglussassuni ca si chiama BINGO dâ sclamazzioni di nu cittadinu miricanu dî primi dû 1900. Lu jocu d'azzardu è noltri di tempu diffusu attraversu sistemi quali lu Lotto, lu Totocalcio, lu Tototris, lu Superenalotto etc.
Va nfini spicificatu ca li dèbbiti di jocu, ntô nostru urdinamentu civilìsticu, nun sunnu azziunàbbili judizziarmentu, obberu nun siddu nnni pò richèdiri lu paiamentu a lu Jùdici. Nfatti l'artìculu 1933 c.c. prividi ca: nun cumpiti azzioni pi lu paiamentu di nu dèbbitu di jocu o di scummisa, puru siddu si tratta di nu jocu o di na scummisa nun pruibbiti. Tuttavia cu havi spuntaniamenti paiatu nu dèbbitu di tali urìggini senza ca lu jocu fussi truccatu, nun pò richèdiri ‘n arreri li summi paiati.
Vuci currilati
canciaFONTI
canciaLa fonti di st'artìculu è Uichipidia Taliana: