John Murray (oceanògrafu)

Sir John Murray (3 di marzu 1841 - 16 di marzu 1914), fu oceanògrafu e bioluggista marinu. Nascìu nni Canadà (Cobourg di Ontariu) ê ginitura scozzi. Studiava nni Scozzia unni friquintava lu liceu di Stirling e tannu l'univirsitati di Edinburgh.

Sir John Murray, 1902

Si chiama lu patri di oceanugrafìa muderna e fu lu primu d'usari lu tèrmini "oceanugrafìa." Ntô 1883 criau lu primu labburatoriu marìttimu nni Gran Britagna a Granton di Edinburgh. Fu lu primu di nutari la Dursali Mediu Attilàntica e l'asistenza di fossi oceànici. Scuprìu nnî prufunni sidimenti ociànici la prisenza di tanti dipòsiti dû disertu dû Sahara. Scrissi assai ducumenti dî soi ricerchi.

La sò ùrtima cuntribbuzzioni fu na ricerca batimètrica di 562 lachi di acqua duci nni Scozzia. Lu studiu accuminzau ntô 1897 e ncludìu la pubbricazzioni di 6 vulumi ntô 1910. Fu prisidenti dâ riali sucitati giogràfica scozza dû 1898 ô 1904. Lu sò nomu è ancura ricanusciutu nni varî maneri comu li labburatorî John Murray di l'univirsitati di Edinburgh e la sucitati John Murray di l'univirsitati di Newcastle. Ntô 2002 la Scozzia accuminzau la fabbricazzioni d'un navi pi ricerca ociànica, didicata â mimoria di John Murray.