Kamikazi

Parola d'origgini giappunisi. Nti l'usu chi si ni fa oggi, veni a diri n'omu o na fimmina chi s'ammazza ppi na raggiuni pulitica o riliggiusa, cu l'intinzioni di fari cchiù dannu possibbili, facennu sabutaggiu di installazzioni o attintati suicidi.

Asempio di kamikazi: Yokosuka D4Y3 amentri si etta ncapu la navi miricana USS Essex (CV-9).

Nti la secunna guerra mondiali, li kamikazi, foru utilizzati dû Giappuni comu vera e propria stratiggia di guerra. Piloti di l'aviazzioni giapponisi si ittavunu contra li navi miricani, suicidannusi, ma causannu danni granni â marina miricana.

L'asempi cchiù ricenti sunnu li kamikazi chi distrureru li Twin Towers lu 11 di sittemmiru 2001, o li kamikazi palistinesi chi si fannu sautari criannu lu panicu ntê cità israeliani.