Kasimov

Kasimov (russu: Касимов, tatar: Qasím, sturicamenti: Xankirmän, Gorodets Meschorsky, Novy Nizovoy), paisi nta Ryazan Oblast, la Russia, lu centru amminstrativu dû cumuni di Kasimovsky. Lu paisi si trova supra lu latu mancu dû Ciumi Oka.

La prima pupulazzioni di sti posti fu na tribù Finno-Ugrica, la Meschiora, chi vinni assimilata cchiù tardu dî russi e tatar.

Lu paisi fu funnatu ntô 1152 di Yury Dolgoruky di Vladimir-Suzdal comu Grodets, e poi Gorodets Meschyorskiy (russu: Городец Мещёрский). Ntô 1376 fu distruiutu dî Mongoli, ma prestu fu ricustruiutu comu Novy Nizovoy (Novu Iusu, 'n lingua Russa: Новый Низовой). Doppu la guerra di Suzdal ntô 1445, unni lu Gran Duca Vasili II fu fattu priciuneri, li terri di Meschiora foru dati a Oluğ Möxämmät, khan di Kazan Khanate comu pagamentu pâ vita dû Duca. Ntô 1452, Gran Duca Vasili II di Muscovi desi stu paisi a Kazan principi Qasim khan, chi fici lu nspitturi di tribbuti, ma poi vinni lu sirviziu Russu. Secunnu autri stori si dici ca Qasim e sò frati Yosıf fuieru di Kazan doppu nun aviri arriniscitu a pigghiari lu tronu contra a sò frati Mäxmüd. Doppu lu 1471, sta cità pigghiò lu nomu di Qasím e arristò la capitali di Qasim Khanate nzinu a lu 1681 quannu lu khanate addivintò arreri parti di la Russia.

Un gruppu di tatar, si nni ieru a stari ddà duranti lu seculu XV e ora sunnu canusciuti comu Qasim Tatar e parranu lu dialetu Mishar, mmiscatu cû dialettu Mediu Tatar di la lingua tatar.

Dû seculu XIII Kasimov addivintò unu di li centri di l'Islam nta sta riggiuni.

Ntô seculu XVII, la cità fu spartuta nta tri parti:

İske Bistä (Cità Vecchia) e Tatar Bistäse (Cità Tatar) cuvirnata dû khan di Qasim Khanate e li nobbili tatar;
Cità di Yamskoy (russu: Ямская слобода) na cità di genti russi, cuvirnata di Mosca; e
Marfin Bistäse – parti di la cità , cuvirnatu di na voyevoda di Kasimov — cuvirnatura russa.

Pupulazzioni:

1910 – 17.000
2000 – 38.000

Chiddi chi parranu Tatar:

1910 – 1,000 - 2,000
2000 – 500

Fabbrichi storichi:

Muschea di petra (1467)
Mausuliu di Şahğäli Khan (1555)
Mausuliu di Äfğan Möxämmäd Khan (1658)

Liami

Web site of the town in Russian (info, maps, photos, forum)
Photos of the town

Nta Commons s'attròvanu àutri mmàggini rilativi a Kasimov.

This article was originally translated from tt:Tatar Encyclopaedia
This article incorporates text from Brokgaus-Efron Encyclopedia