L.R. 4-1-2000 n. 1

Aduzzioni dâ bannera dâ Riggiuni. Dispusizzioni supra li mudalitati d'usu e d'espusizzioni.

Pubbricata supra la Gazzetta Ufficiali Riggiunali Siciliana lu 7 di jinnaru2000, n. 1.


Artìculu 1 : Aduzzioni dâ bannera cancia

1. La bannera dâ Riggiuni è furmata d'un drappu di furma rittanculari c'ô centru ripruduci lu stemma dâ Riggiuni siciliana, raffiguranti la Trisceli culuri carnatu cu lu gorgoneion e li spighi, comu nnividuatu a l'artìculu 2 dâ liggi riggiunali 28 di giugnettu dû 1990, n. 12. Lu stimma havi diminsioni pari a tri quinti di l'autizza dâ bannera. Lu drappu havi li stissi culura dû stimma: russu aranciatu e giarnu, disposti ntô midèsimu modu. 2. La bannera è àuta dù terzi dâ sò lunghizza. 3. Ô nnestu dû puntali supra l'asta dâ bannera è aggruppatu nu nastru chî culura dâ bannera dâ Ripùbbrica

Artìculu 2 : Sìmmuli ufficiali dâ Riggiuni cancia

1. L’artìculu 1 dâ liggi riggiunali 28 di giugnettu 1990, n.12, è sustituiutu dû siquenti: «1. Li sìmmuli ufficiali dâ Riggiuni sunnu: a) la bannera; b) lu stemma; c) lu cunfaluni».

Artìculu 3 : Espusizzioni dâ bannera cancia

1. Ntô tirritoriu dâ Riggiuni, l'espusizzioni dâ bannera riggiunali havi locu, 'n manera obbricatoria: a) lu jornu 15 di maiu, festa di l'Autunumìa siciliana, ntâ ricurrenza dâ prumurcazzioni dû Statutu riggiunali; b) lu jornu 25 di maiu, ntâ ricurrenza dâ prima siduta di l'Assimbrea riggiunali siciliana; c) supra dispusizzioni dû Prisidenti dâ Riggiuni, previa dilibbirazzioni dâ Junta riggiunali, quannu ricùrranu abbinimenti di particulari mpurtanza. 2. Ntê casi nnicati ô comma 1, la bannera dâ Riggiuni è espunuta a lu sternu di l'edifici seggi, rispittivamenti, di l'Assimbrea riggiunali, dâ Prisidenza dâ Riggiuni, di l'uffici cintrali e pirifèrici di l'Amministrazzioni riggiunali, di l'Enti strumintali dâ Riggiuni, di l'Enti comu è gghiè suttaposti â viggilanza o cuntrollu dâ Riggiuni, dî pruvincî riggiunali e di li cumuna. 3. La bannera dâ Riggiuni è autrisì esposta pressu li seggi di l'istituzzioni, di l'òrgani, di l'istituti, nnicati ô comma 1, di l'artìculu 5, limitatamenti ê circustanzi dâ stissa dispusizzioni pricisati.

Artìculu 4 : Mudalitati d'espusizzioni dâ bannera cancia

1. Ntô tirritoriu dâ Riggiuni, quannu la bannera riggiunali è esposta a lu sternu d'edifici pùbbrici secunnu quantu privistu dâ prisenti liggi, idda è asciancata dâ bannera dâ Ripùbbrica e di chidda di l'Unioni europea.

2. Ntê casi nta cui li tri banneri di cui ô comma 1 sunnu esposti nzémmula, hannu la stissa diminzioni e sunnu jissati ô stissu niveddu. La pusizzioni cintrali è risirvata â bannera dâ Ripùbbrica; la bannera di l'Unioni europea è cullucata a la sò dritta e chidda dâ Riggiuni a la sò manca.


Artìculu 5 : Lochi diputati a l'espusizzioni dâ bannera cancia

1. Fattu sarvu quantu dispostu a l'artìculu 2, dâ liggi 5 di frivaru1998, n. 22, la bannera dâ Riggiuni è esposta a l'esternu di li siquenti edifici: a) la seggi di l'Assimbrea riggiunali siciliana pi tutta la durata dî riunioni di l'Assimbrea, puru siddu chisti si prutràgginu doppu lu tramuntu; b) la seggi dâ Junta riggiunali pi tutta la durata dî riunioni dâ Junta, puru siddu chisti si prutràgginu doppu lu tramuntu; c) li seggi di li cunzigghî pruvinciali e di li cunzigghî cumunali, 'n accasioni dî rispittivi riunioni cunziliari; d) li seggi di li prisidenti dî pruvinci riggiunali e di li sìnnaci di li cumuna, quannu si riunìscinu li rispittivi junti pruvinciali, o cumunali; e) li seggi di li ritturati e dî facurtati di l'univirsitati siciliani, 'n accasioni dâ jurnata nizziali di l'annu accadèmicu, duranti l'uri di lizzioni; f) li seggi d'istituti sculàstici d'ogni òrdini e gradu, lu jornu 'n cui havi nizziu l'annu sculàsticu, duranti l'uri di lizzioni; g) l'edifici pressu cui sunnu custituiuti seggi elitturali 'n accasioni di l'elezzioni pi lu rinnovu di l'Assimbrea riggiunali siciliana, finchì dùranu l'upirazzioni di votu.

Artìculu 6 : Pricidenza cancia

1. Fattu sarvu quantu stabbilutu dî dispusizzioni di liggi statali ca disciprìnanu li mudalitati d'espusizzioni e d'usu dâ bannera dâ Ripùbbrica e dâ bannera di l'Unioni europea, ntê pùbbrichi cirimonî ca si svòrcinu ntô tirritoriu dâ Riggiuni la bannera riggiunali havi la pricidenza supra ogni cunfaluni, vissiddu, embrema comu è gghiè dinuminatu, di pruvincî o cumuna. Siddu esposta supra di n'asta, nta na pùbbrica sala, idda òccupa lu postu d'anuri â dritta dû tàulu dâ prisidenza.


Artìculu 7 : Tutela dû dicoru cancia

1. La bannera dâ Riggiuni nun havi a èssiri esposta 'n tintu statu d'usu. 2. L'espusizzioni dâ bannera riggiunali di parti di privati è lìbbira, purchi abbeni 'n formi dicurusi.


Artìculu 8 : Urari d'espusizzioni dâ bannera cancia

1. Eccittuati li casi 'n cui è divirsamenti dispostu dâ prisenti liggi o di dispusizzioni di liggi statali, l'espusizzioni dâ bannera dâ Riggiuni a l'esternu d'edifici pùbbrici havi locu di l'uri ottu nzinu ô tramuntu. 2. Quannu la bannera resta esposta doppu lu tramuntu havi a èssiri adiquatamenti illuminata.


Artìculu 9 : Casi particulari cancia

1. La bannera esposta a l'esternu di l'edifici pùbbrici 'n segnu di luttu è tinuta a menz'asta e a la strimitati supiriuri dâ nfiritura ponnu appònirisi dui strisci di vilu nìuru. 2. Li dui strisci di vilu nìuru sunnu 'n manera obbricatorî quannu la bannera è purtata ntê pùbbrichi cirimonî fùnibbri.


Artìculu 10 cancia

1. La prisenti liggi va a èssiri pubbricata ntâ Gazzetta Ufficiali dâ Riggiuni siciliana. 2. È fattu òbbrigu a cu è gghiè spetti di assirvàrila e di fàrila assirvari comu liggi dâ Riggiuni siciliana.