Lacu Gurrida

Lu Lacu Gurrida è situatu avveri Rannazzu ntî la pruvincia di Catania ntî la latata nord-uccidintali di lu Mungibbeddu e si furmau 'n sècutu a n'eruzzioni di lu stissu vulcanu ntî lu 1536.

La diga naturali ca si furmau ntî lu ciumi Frasciu desi urìggini a stu picciulu lacu ca surgi a na autizza di 835 metri supra lu liveddu di lu mari. Ntî li misi di la staciuni è spissu siccu picchì nun chiovi ppi assai tempu. Ccu tuttu chissu nun s'arrinesci a capiri picchì sicca d'accussì, s'hà pinzatu ca è picchì la pirmiabbilitati di lu sò lettu fa addipèrdiri l'acqua.

Ntî li misi di lu nvernu, lu ciumi ca l'alimenta è spissu chinu e fa jittari di fora l'acqua di lu lacu; 'n passatu hannu statu fattu travagghi ppi tiniri sutta cuntrollu lu flussu di l'acqua e canziari danni a li zoni a firriari tunnu. L'acqua superchiu veni cugghiuta tràmiti nu bacinu sicunnariu; la zona cummigghiata di l'acqua spissu arriva ntî li vigni e li zoni ccu àrburu di fruttu di li zoni a firriari tunnu.