Lingua taliana nta li Stati Uniti

A lincua taliana a statu 'nto passatu na lincua assai parrata 'nta li Stati Uniti di la Merica ppi cchiu ssai ri cin'tanni, picchini ci fuorru nu munzieddu ri pirsuni ca c'imicrarru â fini di lu diciannuvesimu seculu.
'Nta stu piriòdu jèni l'uttava lincua cchiu parrata nta lu paisi.

StoriaCancia

Li primi Italu miricani accuminzarru a imigrari in massa attornu a lu 1880.
Li primi ca imigrarru fuorru dâ Sicilia e autri parti di l'Italia do sud: erunu cchiu ssai ommini, e ci fuorru nu munzieddu ca pinzarru d'arriturnari 'n Europa duoppu ca varagnarru na pocu di sanareddi nta li Stati Uniti, e picciò a pupulazzioni taliana nun a statu sempri custanti e cuntinua.
'Ntra lu 1890 e lu 1900, 655.888 taliani s'jnnierru nta li Stati Uniti, e cchiu ssai di rui miliuni ntra lu 1900 e lu 1910, macàri si circa lu 40% di chissi arriturnau nta l'Italia.
Nzumma, 'ntra lu 1820 e lu 1978 quarchi 5,3 miliuni ri taliani imigrarru nta li Stati Uniti.
Comu autri gruppi èttinicci comu li tideschi nta Little Germany di Nova Yorki, li francisi canadisi nta li Little Canadas e li cinisi nta li "Chinatowns" ca imigrarru nta l'Americhi, li taliani spissu stapiunu raggruppati nta lochi ciamati "Little Italies" spiciarmenti a Nova Yorki, Chicago, Boston e Filadelfia, e cuntinuarunu a parrari li lincui urigginali.