Lorenzu dî Medici

Lorenzu dî Medici, canusciutu puru cu l'appillativu lu Magnificu (1 di jinnaru 1449 - 9 di aprili 1492) fu ômunu politicu e cuvirnaturi dâ cità di Firenzi â fini dû XV sèculu. Prutitturi di artisti e pueti, tra cui Liunardu da Vinci, Sandru Botticelli, Picu di la Mirandola, la sò vita cuincidiu cu lu puntu cchiù àutu di lu primu Rinascimentu. Puru Michilàncilu Buonarroti, picciottu friquintau la curti dî Medici, criscennu cô figghiu di Lorenzu, Giuvanni, chi quarchi annu doppu la morti di Lorenzu addivintau papa. Lorenzu fu iddu stissu pueta e n'arrestanu diversi opiri e puisii scritti di iddu.

Lorenzu dî Medici.

La rilativa ricchizza chi arrinisciu a sviluppari a Firenzi fu stigmatizzata cu viimenza di Girolamu Savonarola, cu cui Lorenzu dî Medici appi a cummattiri â fini dâ sò vita.

La paci fragili chi agghicau a fari rispittari tra li vari fazzioni s'accapau câ sò morti.