Maje (artìculu 'n salentinu)

Cercamu persune de lu Salentu ntirissate a scrìvire artìcule, crande o pìccule, 'n salentinu per lu nosthru pruscettu nciclupèdicu Wikipedia. Putete scrìvire quiddhru ca vulete (per esempiu l'artìcule subbra le cumune salentine). Ma per favure, lasciate una thraduzione de le parole diffìcile e ndicàte la pruvenienza de la parlata salentina usata. Nun mporta se sete leccisu, brindisinu, o tarandinu, sempre salentinu sete! Crazie.

St'artìculu è scrittu 'n salentinu di Sulitu (LE), si stai circannu l'artìculu scrittu 'n sicilianu standard, vidi Maje.

Maje



Nomu ufficiali:	Maglie
Riggiuni:	Pugghia
Pruvincia:	Lecci (LE)
Cuurdinati:	Ammustra ntâ mappa
Superfici:	22 km²
Abbitanti:	15.252
Dinzitati:	693 ab./km²
Cumuni cunfinanti:	Bagnulu, Corianu, Curse, Cutrufianu, Melpignanu, Muru, Parmarici, Scurranu
CAP:	73024
Prifissu telefònicu:	+0836
Situ ufficiali:

Maje ete 'nu comune salentinu ca se trova intra'lla provincia te Lecce.

Posizzione giografica

Siccomu ca Maje stae ammienzu allu Salentu, tene na posizzione te privileggiu, comu nnudu stratale e ferroviariu e comu centru economicu e culturale te 'na zona ca comprende tutti li paìsi te "sotta'llu capu". Te Maje passane puru le vie e le ferrovie ca collegane Otrantu, Santa Cisària e Casciu (a est), Thricase e Santa Maria te Leuca (a sud), Casaranu e Caddhripuli (a ovest). Ete luntana vintottu chilometri te Lecce, sidici te Otrantu e quaranta te lu Capu te Leuca.

Origgine te lu nome e te lu stemma

Lu stemma te Maje ete formatu te thré aneddhi te argentu susu a'nnu sfondu blé. Susu a st'aneddhri ave ccerti parìti culle torri te argentu e 'na cuardiola te oru.

'stu disegnu alimentau la leggenda (ca se dice ca ete te Luigi Tarelli, 'nu monecu te Casaranu) ca lu paese se formau te thré mmassarie, ca se misera 'ncodde comu le "maje" te 'na catìna e fìcera 'nu primu 'nsediamentu.

Secondu Emiliu Panarese, 'nu storicu te Maje, nunn'ete cusìne. Quiddhru penza ca lu nome deriva te 'nu toponimu te origgine messapica, mal, ca se canuscìa intru ttutta la zona te lu Mediterraneu (nnò ssulamente intra'llu Salentu). Stu nome forzi significa "muntagna" (puru se Maje stae su 'nna pianura, e forzi propriu pe' cquistu, percé pe'lli salentini ogne gobba pare muntagna). La palora latina (Malliae) ete simile a quiddhra te Mallia, comu se chiamava l'isola te Siru, 'ntra'lle Cicladi, e a ta Mallia, 'na città te l'isola te Crita.

Storia

Se sape ca li primi abbitanti 'rrivara all'età te lu bronzu (oppuramente all'età te lu fierru). Li primi abbitanti costruera puru certi monumenti comu specchie, dolmen e menhir (sta zona è china). Ave puru lu "fondu Cattie": 'na cava te cose fatte a mmanu, la scoprera allu 1980: avìa cchiù o menu tuticimila strumenti e schegge e ottucentu stozzi te osse. Lu casale te Maje zziccau cu sse sviluppa chiù o menu allu milleddocentu te coste allu castieddhru, ca forzi lu costruera sotta all'Angioini e ca poi risthrutturara cu Andriolu Lubellu(lu barone te Maje quandu regnava Arfonzu I t'Aragona). Lu castieddhru rimase cusìne pe' seculi finché don Ascaniu Filumarinu (ca diventau lu feudatariu), decise cu lla cangia, cu lla fazza cchiu' moderna, e costruìu 'na facciata elegante invece te quiddhra militare ca avìa. Poi aggiunsera puru 'nu purtone baroccu cu'llu stemma te li Capece, li feudatari novi.

Cose sthrane

A Maje costruèra allu 1998 'na statua pe' Aldu Moru, ca nascìu ddhrai, e binne puru cu lla inaugura lu presidente te la Repubblica Oscar Luigi Scalfaru. 'Sta statua fice 'nu menzu casinu percé sott'ambrazzu Aldu Moru porta L'Unità.

Dialettu

Lu dialettu te Maije appartene alla famija te la lingua siciliana: ete lu dialettu salentinu.

Iventi

A Maje n'ce parecchi eventi ca se svolgune ogni annu. Forse ca lu cchiu significativu ete Lu Mercatino de lu Gustu,ca se svolge pe quatthru sire te li primi te Agostu,ete n'eventu sthraordinariu,infatti tutte e vie su bloccate e vidi nu casinu de gente.Pe stu motivu venene a stu mercatinu parecchi cristiani te fore paise,puru te lu Nord. Authri eventi mutu 'mportanti suntu la fiera te li campaneddhi,la festa patronale pe' San Nicola(lu 9 te Maggiu);essendu Maje nu paise mutu devotu,se svoglune parecchie processioni(a cchiu beddha ete quiddha te lu Vinirdia Santu)e puru mutu beddhe suntu e chiese ca se potene vidire a Maje.