Mosàicu
immàggini fatta ncucchiannu tanti pezzi picciriddi culurati di petra, vitru, o autru matiriali
Lu mosàicu è na tècnica dicurativa chi cunzisti ntî la dispusizzioni supra na supirfici chiana o liggirmenti curvata di pizzuddi di petra culurati e di forma giomètrica sèmprici (cubbi, o prismi), cu lu scopu di furmari disegni visìbbuli comu n'òpira omoggènia ntî tutta la supirifici. Sviluppàtasi già ntî l'antichità, 'n Sicilia li mosàici di magnìfica fattura si ponnu vìdiri nta certi chiesi, comu lu domu di Munriali, o ntî casi privati antichi, comu la villa dû Casali a Piazza Armirina o la villa rumana dû Tellaru.
