Rapi lu menu principali

Li nùmmura rumani sunnu nu sistema di numirazzioni chi usa li littri di l'arfabbetu nveci dî sìmmuli dicimali. Nzinu â ntruduzzioni dî nùmmura àrabbi, a pàrtiri dâ fini dû Mediuevu, li nùmmura rumani èrunu univirsalmenti utilizzati.

Lu sistemaCancia

Li littri usati pi li nùmmura rumani sunnu:

  • I - pi nnicari 1.
  • V - pi nnicari 5.
  • X - pi nnicari 10
  • L - pi nnicari 50
  • C - pi nnicari 100
  • D - pi nnicari 500
  • M - pi nnicari 1000

pi nnicari nu mùrtipru di 1, di 10, di 100 o di 1000 si ùsunu li littri rispittivi, una appressu a l'àutra, evintuarmenti facènnuli pricèdiri dû sìmmulu di 5, 50 o 500. Accussì 8 si scrivi VIII; 32 si scrivi XXXII; 278 si scrivi CCLXXVIII. Ccizzioni sunnu li nùmmura 4, 9, 40, 90, 400 e 900. chi si scrìvunu rispittivamenti comu na suttrazzioni: 4= IV, 9=IX, 40=XL, 90=XC, 400=CD, 900=CM. Accussì, pi asempiu, 1997 si scrivi MCMXCVII. Sta règula tuttavia nun è sempri applicata. Nun è raru truvari ancora oi rologghia unni lu 4 è nnicatu cu lu sìmmulu IIII.