Nùmmuru strammu

Nu nùmmuru strammu è nu nùmmuru naturali n ca havi li proprietati di essiri abbunnanti, veni a diri ca la somma dî sô divisura è cchiossai di n, ma tali ca n nu si pò scriviri comu somma di sò divisura propri. Pi esempiu 70 è nu nùmmuru strammu pirchì la somma di li sò divisura è 74 (cchiossai di 70), ma sennu ca li sò divisura sunu 1, 2, 5, 7, 10, 14 e 35, lu nùmmuru 70 nun s'arrinesci a scrivillu comu somma di na silizzioni dî sò divisura.

Prupritati

La difinizzioni di nùmmuru strammu è duvuta a Benkoski, eggh'è dû 1972. Nti l'anni 70 Erdös s'antirissau ê nùmmura strammi e pubbilcau cu Benkoski n'articulu unni sunnu mintuvati e dimustrati li proprietati principali. Ntra li prupritati funnamintali c'è chidda ca siddu n è nu nùmmuru strammu e p è nu nùmmuru primu cchiù granni dâ somma dî divisura di n, allura lu rpudottu np è strammu videmma. Sta prupritati havi comu cunsiquenza ca li nùmmura strammi sunu ditti primitivi siddu nun sunnu mùrtipli di nessun austru nùmmur strammu.

Lu nùmmura strammi primitivi nun sunu accussì facili di truvari, e pirciò si ni accanusciunu sulu na quantitati finuta. Nti l'anni '70 Kravitz ammusciau na tecnica ca ci pirmisi di truvari nùmmura strammmi assai granni, e ditinni lu recordu dû munnu dû nùmmuru strammu cchiù granni, nu nummuru di 57 cifri. Stu record fu battutu ntô 2013 di n'equipe di matimatici amiricani e ntô 2014 lu record dû munnu è nu nùmmuru strammu di 5328 cifri decimali.