Nellu Dipasquali

Nellu Dipasquali (Rausa, 23 aprili 1969) eni nu puliticu sicilianu, elettu nta lu 2006 sindacu i Rausa. Era impiegatu pressu l'Istitutu Autonumu Casi Pupulari i Rausa.

Carriera pulitica

Di lu 1986 finu o 1995 fu sigritariu cittadinu e pruvinciali di li giovani di la Dimucrazzia Cristiana prima e duoppu di lu Partitu Pupulari Talianu e infini sigritariu riggiunali di li giovani di li CDU. Di lu 1994 a lu 1998 fu cunsigghieri cumunali di Rausa, pi lu PPI prima, puoi pi lu CDU e infini pi Forza Italia.
Di lu 1998 a lu 2001 ci appi a carica di vici sindacu di la città cu delighi pi lu sviluppu ecunomicu, sibbizzi suciali, sanità, turismu e spittaculu. A li elizzioni pruvinciali di lu 2003 fu elettu cunsigghieri pruvinciali di Rausa ppi Forza Italia.
Infini a lu balluttaggiu di lu 25 e 26 di giugnu 2006 cu Francu Poidomani, rapprisintanti di la cualizione di centru-sinistra, fu elettu sindacu di Rausa cu lu 52,9% di li voti.