Palla a canistru

Storia

La palla a canistru (o pallaccanestru) è lu sport di squatra natu nta l'USA ntô 1891. Vinni mmintatu di James Naismith, un prufissuri di la YMCA International Training School di Springfield, Massachusetts chi vulia attruvari na cosa pi fari arricriarisi li studenti duranti lu mmernu e facia tempu tintu.

Naismith scrissi li reuli e attaccau dû tettu na palestra cu na forma di na coppa, tipu chiddi dâ pisca,e du squatri di novi jucatura ciascuni.

La prima partita finiu 1 a 0.

Ntempu di nenti la pallaccanestru addiventau nu sport famusu nta tutti li Stati Uniti. Nni l'anni 1920 cc'eranu un zaccu di squatri di pallaccanestru pi tutti li stati chi jucavanu ôn liveddu prufissiunisticu, ma nun eranu assai impiattichiti sutta lu prufilu di l'organizzazzioni e li squatri jucavanu na palestra p'abballari.

Nni l'anni 1930 Naismith, nzemmula a autri pirsuni, fici li primi organizzazzioni prufissiunistichi.

Reguli europee

A FIBA eni â federaziuni intrenaziunali cca pubblica u rigolamentu roo iocu, ca cancia bastanti spissu.

Campu

U campu ri palla a canistru rigolamentari

Nu campu normali ri palla a canistru eni loncu 28 metri e largu 15. Un canistru eni iautu 3,05 mt. Attornu ê canistri sunu pittati dui aree luntani rô propriu canistru 6,25 mt. Intra ê dui aree ci su i lunetti dî tiri libbiri, luntani ra linia di funnu 5,80 mt, ro canistru sunu luntani 4,60 mt.

Squatri

I squatri râ palla a canistru su fatti ri 10 jucatura (12 ntâ i pattite rê picciuotti). Ntô campu appirò trasuno in 5.