Parole

Ntâ linguìstica, cô tèrmini francisi parole, cuniatu da lu patri funnaturi di la liguìstica muderna Ferdinand De Saussure, s'ìnnica l'attu linguìsticu individuali, la rializzazzioni cuncreta di chidda ca lu stissu De Saussure chiama, utilizzannu n'àutra parola francisi, langue, zoè l'inzemi di cunuscenzi mintali, di rèuli intiriurizzati insiti ntô còdici lingua, ca custituisciunu la capacitati di prudurri missàggi e sunnu pussiduti comu sapiri astrattu ntâ stissa misura da tutti li membri di na cumunitati linguìstica.
Quinni la lingua comu langue si manifesta riarmenti ntâ l'ispirienza fattuali dô parranti, pirtantu nta la sò parole.
Nu linguista è chiaramenti nterissatu a studiari e svilari la langue, ma ppì fàrilu iddu ha pàrtiri da la parole, ca furnisci li dati ussirvabbili da li quali appoi arricavari li legghi dâ lingua.

La tirminuluggìa di la dicutumìa cumpitenza ed isicuzzioni apparteni quinni Ferdinand De Sussure.
Ma ppì spigari li stissi cuncetti asistunu àutri tèrmini: cumpitenza e isicuzzioni, unni la cumpitenza fussi la langue, mentri la l'isicuzzioni la parole
E sistema e usu, cuniati da lu cchiù mpurtanti rapprisintanti da scola strutturalista Louis Hjelmsley, unni lu sistema cuincidi ccù la langue e la cumpitenza, mentri l'usu, ccù la parole e l'isicuzzioni.