Pèsaru

Pèsaru (ntô talianu: Pesaro) è un cumuni d'Italia di 90.000 abbitanti, capulocu dâ pruvincia di Pèsaru e Urbinu, ntâ riggiuni Marchi.

Piazza del Popolo a Pesaru.

Sta supra lu Mari Adriàticu e è un centru turìsticu abbastanza mpurtanti. C'havi lu polu nnustriali di mòbbili cchiù mpurtanti. Lu sô nomu nta l'Antichitati fu Pisaurum.

Pèsaru è la citati unni nascìu lu cumpusitori cèlibbri Juachinu Russini, la cui casa-musèu è visitabbili. La citati detti macari lu sô nomu ô Cunsirvatoru e ô tiatru. Dognannu c'è lu "Rossini Opera Festival" ca fa vèniri appassiunati di mùsica lìrica di tuttu lu munnu.

Pèsaru è macari chiamata "la citati dî quattru M", zoè: Mari, Munti, Mùsichi, Maiòlichi. Lu Mari Adriàticu è canusciutu di tutti, mentri la struttura geulòggica ntê cunfini nord-sud dâ citati, abbrazzata di dui mpurtanti coddi, nni garantisci un clima miti tuttu l'annu: a nord lu "San Bàrtulu" (ca è macari parcu naturali), e a sud la codda "Ardizio" ca sipara Pèsaru di Fanu. Nfini, Pèsaru è canusciuta pâ sô Maiòlica.

Culligamentu esternu

• Situ ufficiali dû cumuni di Pèsaru