Philippe Suchard

Philippe Suchard (Boudry, 9 di uttùviru 1797- Neuchâtel 14 di jinnaru 1884) fu nu fabbricanti svìzziru di cioccolatu. Doppu n'apprennistatu a Berna ntâ fabbrica di sò frati, Philippe Suchard ntô 1824 partìu pi la Mèrica. Circau di avviari n'attività d'esportazzioni di rologghia svizziri, ma nun cuntentu di comu l'affari ci jèvunu, ntô 1825 turnàu a Neuchâtel, unni rapìu la prima putìa di cioccolatu. Ntô 1826 rapìu na fabbrica pi la produzzioni nnustriali dû cioccolatu a Serrières a tri chilomitri di Neuchâtel.

Philippe Suchard

Philippe Suchard si ntirissàu puru di autri attività imprennituriali. Ntô 1834 rapìu na lìnia di navigazzioni ntô lacu di Neuchâtel, cu na navi a vapuri, L'Industriel, di cui iddu stissu era lu capitanu.

Cunnicìu la fabbrica di cioccolatu nzinu ô 1855, quannu pòi la lassàu ô sò figghiu. Ogghi, lu marchiu di cioccolatu Suchard apparteni â Kraft, e la produzzioni nun si fa cchiù a Neuchâtel. La prima putìa di cioccolatu a Neuchâtel è ancora in attivitati. E' ntitulata â famigglia Jacob Suchard, e cô sò labboratoriu cuntinua la tradizzioni dâ famigghia Suchard.