Pirduta di na vucali ô nternu dî palori

Ntâ lingua siciliana, la pirduta di na vucali nun accintata ô nternu di na palora poti succèdiri, puru siddu chistu succedi supratuttu ntâ lingua parrata.

Diffusioni

• Nta tutti l'àrii di la Sicilia, ntâ lingua parrata li palori ponnu pèrdiri a li voti na vucali nun tònica. Li littirati siciliani ùsanu a li voti sti furmi cuntratti.

Asempi

lìttira -> lìttra (dû latinu "lìctera")

pirìculu -> prìculu (dû latinu "perìculum")

piràinu (pirara sarvaggia) -> pràinu

spiranza -> spranza (dû latinu "speràntia")

dirìttu -> drìttu (dû latinu "dirèctus")

pùlici -> pùrci (dû latinu "pùlicem")

puddìtru / putrìddru -> pùtru (dû latinu "pullètrus")

ecc.

Sicilianu standard usatu ntâ wikipedia siciliana

Pi scrìviri artìculi 'n sicilianu ntâ wikipedia siciliana, si ponnu usari tutti li furmi (chiddi cuntratti o chiddi longhi).