Pizzinu

(Rinnirizzata di Pizzini)

Lu pizzinu è nu missaggiu scrittu supra nu puzzuddu di carta, e datu direttamenti ô distinatariu tràmiti na pirsuna di fiducia. Spissu scrittu supra dittatura telefònica, pi lassari nu missaggiu a na terza pirsuna, pò puru èssiri scrittu â màchina si lu mittenti voli evitari di fàrisi ricanùsciri la calligrafìa: è lu casu dî pizzina truvati ntô rifuggiu di Birnardu Pruvinzanu quannu fu arristatu ntô 2006.

Ntâ littiratura lu pizzinu cumpari rigularmenti ntê rumanzi di Andrea Camilleri, quannu lu pirsunaggiu di Catarella, polizziottu addettu ô cintralinu, arricivennu na telefunata, si ncàrrica di lassari nu pizzinu ô cummissariu Muntarbanu.