Racale (artìculu 'n salentinu)

Template:Appellu a li salentini

abbiccidariu St'artìculu è scrittu intra lu salentinu te Racale (LE), se sta cerchi l'artìculu scrittu 'n sicilianu standard, vidi Racale.


Template:Cumune italianu

Racale ete nu comune salentinu ca se acchia ințra 'a pruvincia te Lecce.

Nci suntu 10.846 cristiani ca àbbitane intra lu paèse[1] e se trova ințra lu sud tû Salentu, nciolune 54 km pe Lecce e 6 km pellu Jonicu. Face parte te Racale puru a località costiera te Torre Suda.

L'abbitanti tû paese suntu chiamati "Li pacci te Racale".

Vucabulariu cancia

'U tialettu te Racale se ssamija allu tajanese, allu matinese e soprattuttu allu caddhistaru (u tialettu te Caddhiste); Racale e Caddhiste infatti suntu ddò' paesi cusì ttaccati ttaccati ca nnu furastieru ca se acchia addhà'mmeru li putìa scanciare pe nna città sula. 'Stu tialettu è ccanusciutu comu tialettu salentinu, tâ variante meridiunale.

Territoriu cancia

'U territoriu tû comune te Racale, ca se spanne susu na superfice te 24,47 km², se acchia mmeru 'le serre salentine (Racale però staje a do chilometri tâ serra cchiù' bbicina; mmece te Caddhiste ca se acchia propriu sutt'a serra), a su 'u versante sud occidentale tâ penisula salentina.

'U territoriu, puru ca l'aria a ddhunca staje Racale ete tutta pianeggiante, tene nnu profilu orugraficu caratterizzatu te le piccinne žžate tâ serra: vaje tî 0 m s.l.m. alli 104 ta serra, cu lla casa comunale a 55 m s.l.m. 'U centru bbitatu staje ințra nna cranne depressione tû terrenu sutta 'a serra tê Specche, (cu llu termine specche se indica nnu paru te petre mmuntunate una susu ll'addha), nu nźunnaźźamentu collinare piccinneddhu chinu te reperti megalitici, ca ripara lu paese tî jenti occidentali. 'U litorale appartenente allu comune presenta nna costa te munti vasci.

Confina a nord cu lu comune te Tajanu, a est culli comuni te Malassanu e Uscentu, a sud cu lu comune te Caddhiste, a ovest cullu mare jonicu.

Clima cancia

Tâ vanna meteorologica Racale rientra ințr'u territoriu tû vasciu Salentu ca presenta nnu clima prettamente mediterraneu, cu jerni miti e stati caute e faugnuse. 'A temperatura media tû mese cchiù' ffriddhu, gennaju, se bbicina mmeru 'li +9 °C, mmece quiddha tû mese cchiù' ccautu, acoştu, staje a su li +25,1 °C. 'E pricipitaźźioni medie ogni annu, ca suntu quasi 676 mm, presentane nn minimu 'nprimavera-estate, nu piźźu n'autunnu-jernu ca suntu e staggioni quannu chiove te cchiùi.
Cuntannu tî jenti, alli comuni tû sud Salento se sèntune picca e correnti occidentali pe lla protezione tê Serre Salentine ca crèane nnu sistema te scutu. Alla mmersa, 'e correnti autunnali e nvernali te Sud-Est, favorìscune anparte l'incrementu te le precipitaźźoni, ințra 'stu periodu, rispettu 'lu restu ta penisula[2].

Cultura cancia

Pe mmuti anni Racale era canusciuta comu nu paese te quasettari, quistu percé pe ttanti anni 'u settore tê quasette fose l'unica fonte te guadagnu ca nc'era a Racale e tutti se nne rricchēra [3], tantu ca Racale 'a chiamàvane ufficiosamente 'u "paese tê quasette"[4], usatu cchiùi comu nciuria cca ccomu nome ufficiale percé se ticìa ca nna fiata se campava sulu te quiddhu .

Liami nterni cancia

Lu stissu artìculu 'n sicilianu standard

  Purtali di lu Salentu – Jiti a l'artìculi di Wikipedia supra lu Salentu.
  1. Datu Istat tu 30/06/2010.
  2. Valori climatici tu Salentu meridionale
  3. Osservatorio Nazionale Distretti Italiani
  4. Fose registratu alla C.C.I.A.A. te Lecce, u giurnu 23.04.2001, cu prot. n.5409, u Marchiu "racale citta te quasette"