Raggiuni di statu
La raggiuni di Statu' (ditta macari Ntiressi Nazziunali) è lu nzemi di l'obbittivi e d'ammizioni di nu paisi nta lu campu ecunòmicu, militari o culturali. Si tratta di na mpurtanti nuzzioni di rilazzioni ntirnazziunali, unni lu pirsiguimentu di lu ntiressi nazziunali è la basi dâ scola rialista. Lu ntiressi nazziunali di nu Paisi prisenta 'n saccu di sfaccittaturi. La cosa cchiù mpurtanti è la supravvivenza e la sicurizza dû paisi; e videmma è mpurtanti la ricerca dû benèssiri, dâ crèscita ecunòmica e dû putiri. Ci sunnu nu saccu di stati, astura, ca pènzanu ca la cultura dû propiu paisi è essinziali. La raggiuni di Statu veni nvucata pi giustificari n'attu dû Statu o dî sò rapprisintanti, ca si dicidi avissi a ristari sicretu, p'evitari na guerra, na rivuluzzioni, na pandimìa, dî dimissioni, o n'àutru avvinimentu ca putissi minari la supravvivenza dû Statu. La raggiuni di Statu si cuncritizza ntâ maiuri parti dî casi ntô Sicretu di Statu. Si tratta di rializzari n'azzioni cuntraria a certi ntiressi o idiali dû Statu, dî sò alliati e/o dî cittadini p'evitari cunziquenzi peji chissi ca dìssimu antura. L'attu ch'è nicissariu sicritari è nta certi casi viulentu, e spissu si tratta di nu sacrificiu p'evitàrinni unu peju. A li voti si fà n'usu scunzidiratu dâ raggiuni di statu picchì s'utilizza quannu nun s'avissi a utilizzari, comu li picciridda, pi nun fàrisi addunari ca nu statista fici nu sbagghiu.
Lu drittu ntirnazziunali ricanusci a paroli lu principiu di ntigrità tirrituriali nta tuttu lu munnu: pirciò sulu li sirvizza sicreti ponnu fari quarchiccosa facennu usu dâ raggiuni di Statu. Pi stu mutivu si senti diri ntê firma: "Si vi pìgghianu, niàutri nun vi canuscemu".
Asempi
canciaLu prisidenti dâ Russia nun dissi nenti doppu la traggedia dû suttamarinu nucliari "Kursk" e pirchissu fu fortimenti criticatu, datu ca nu ncidentu nucliari nun è na cosa ca ci ntiressa sulu ê russa, ma ntiressa a tutti quanti e la stissa cosa si putissi diri pi lu ncidenti di Chernobyl ntô 1986. Chissi è sulu quarchi asempiu di ricursu â raggiuni di Statu.