Regnu d'Italia
| Regnu d'Italia | |||||
|---|---|---|---|---|---|
| |||||
| Muttu: FERT | |||||
| Dati amministrativi | |||||
| Nomu cumpletu | Regnu d'Italia | ||||
| Nomu ufficiali | Regno d'Italia | ||||
| Lingui ufficiali | Talianu | ||||
| Lingui parrati | Talianu e lingui locali | ||||
| Capitali | Roma | ||||
| Àutri capitali | Turinu(1861-1865) Firenzi (1865-1871) | ||||
| Dipinnenzi | Albania (1939-1943)
Croazia (1941-1943) Montenegru (1941-1943) Statu ellenicu (1941-1943) | ||||
| Pulìtica | |||||
| Furma di Statu | Statu liberali (1861-1925; 1943-1946)
Statu fascista (1925-1943) | ||||
| Furma di cuvernu | Monarchia costituzionali | ||||
| Re d'Italia | Vittoriu Emanueli II (1861-1878)
Umbertu I (1878-1900) Vittoriu Emanueli III (1900-1946) Umbertu II (1946) | ||||
| Nàscita | 1861 cu Vittoriu Emanueli II | ||||
| Fini | 1946 cu Umbertu II | ||||
| Tirritoriu e pupulazzioni | |||||
_crowned.svg)
.svg)
Lu Regnu d'Italia fu nu statu chi cu sta dinuminazzioni ha cumparutu diversi voti ntâ storia dâ pinisula italiana. Si parra dû regnu d'Italia di èbbica Ostrogota, di longobbarda, di èbbica napulionica, o di èbbica risurgimintali, chi è forsi l'usu chi si ni fa cchiù spissu e chiddu chi è cchiù vicinu ê nostri tempa.
Lu regnu d'Italia (1861-1946)
canciaGià ntî l'anni 1840 si diffunnìu n'Italia na currenti pulitica chi mirava a unificari li vari tirritoria dâ pinisula, cuvirnati di dinastii riggiunali (Parma, Lucca, Toscana), o forasteri li riggiuni dû nord-est eranu sutta lu duminiu austriacu e lu sud di l'Italia era cuvirnata di na dinastia burnonica liata â dinastia rignanti spagnola.
Ntô cursu dâ sò storia, l'Italia fu sulu pi piriudi assai curti nu regnu nnipinnenti. Li primi re d'Italia foru re Ostrogoti. Ci foru appoi re forasteri chi appiru lu titulu di Re d'Italia, comu certi mpiratura dû sacru rumanu mpiru, pi agghicaru nzinu a Napuliuni Bonaparti.
Lu regnu d'Italia comu ntità nazziunali nnipinnenti si custituiu n sèquitu ê guerri di nnipinnenza dû Risorgimentu, sutta la nfluenza pulitica du regnu di Sardegna e li successi militari contra li nvasuri asutriaci ntô nord-est, e contra li Burbuni di Napuli grazzi â spidizzioni dî Milli di Giuseppi Garibbaldi. Ntô 1861 fu accussì custituitu lu Regnu d'Italia.
Re d'Italia
cancia- Vittoriu Emanueli II di Savoia 1861-1878
- Umbertu I di Savoia 1878-1900
- Vittoriu Emanueli III di Savoia 1900-1946
- Umbertu II di Savoia 1946-1946