Real de Catorce

Sta pàggina è òrfana, zzuè nun àvi lijami a tràsiri.

Pi favuri, agghiunci na lijami a sta pàggina e scancella st'abbisu.
Pâ lista cumpleta dî pàggini òrfani, vidi a pàggina dâ catigurìa.

Real de Catorce (nomu cumpretu Real de Minas de Nuestra Señora de la Limpia Concepción de Guadalupe de los Álamos de Catorce), è na cità dû Mèssicu ca s'attrova ntô statu di San Luis Potosí e a n'autizza di 2.750 metri s.l.m., pò jèssiri avvinuta câ màchina sulu passannu dû tunnel di Ogarrio longu 2,3 chilometri.

Storia

Calle Real.

Pi quantu nun si canusci la so' esatta urìggini, nzinu ô 1772 si sapi di l'asistenza di stu postu minirariu, ca macari veni pâ prima vota ammuntuvata nta nu ducumentu datatu 11 di austu 1777 cû tèrmini "de Catorce".
Ntâ rialitati nun fu prima dû 1778 ca vìnniru asciati li filuni d'argentu cchiù e ca fu funnata la cità. Nta ddu tempu na granni quantità di minaturi agghicaru ntô locu n cerca di ricchizza e la cosa attruvau gran giustificazzioni dâ custioni ca ntô 1803 era lu sicunnu situ ô munnu pi la quantitati di ddu mitallu prizziusu estrajutu.
La vita ntô centru trascurrìu ntô corsu di dicenni n menzu â frivusa attivitati di estrazzioni di l'argentu dî vìsciri dâ terra. Quannu li vini argentìfiri si esaureru, rischiau d'addivintari nu villaggiu fantàsima macari si li nummarusi casi n stili spagnolu ca avìanu ntô frattempu stati custruiti.
Tuttavia lu curtu di San Franciscu d'Assisi e la so' stàtua posta ntô lucali santuariu (chinu di ex-voto), richiama migghiara di pilligrini, suprattuttu â caduta dâ fistività dû 4 di uttùviru.
N'àutru mutivu di richiamu è la chianta dû peyote ca pò crìsciri ntâ zona, assai cristiani ca facìanu rifirimentu a "curturi autirnativi", acchianàunu nzinu a ccani, â circata di chidda ca li nativi chiamàunu macari "manciari dî divinitati".
Ntô 2001 Real de Catorce appi nziccata ntâ lista dî "lochi màggici" di parti dâ sicritiria dû turismu missicana.

Cìnima

La straordinària biddizza di Real de Catorce fici di sfunnu a mpurtanti piddìculi cinimatugrafichi, arricurdàmini:

Il tesoro della Sierra Madre di John Huston (1948)
Puerto Escondido di Gabriele Salvatores (1992)
The Mexican di Gore Verbinski (2001)
Bandidas di Joachim Roenning e Espen Sandberg (2006)

Liami foritani

[1] Situ didicatu a Real de Catorce