Ricadi (artìculu 'n calabrisi)

Cercamu perzuni de Calabbria nteressati a scrìviri artìculi, grandi o pìcculi, 'n calabbrisi pe' 'u nostru progettu nciclupèdicu Wikipedia. Nci potìti scrìviri chidu ca volìti (pe' esempiu l'artìculi supra 'i cumuni calabbrisi). Ma pe' favuri, lasciàti una traduzioni d'i paroli diffìcili e ndicàti 'a pruvenienza de 'a parrata calabbrisi usata. Nun mporta se siti riggitanu, catanzarisu, cusentinu, de Cutroni, o de Vibbu, sempri calabbrisi siti! Grazi.

Ricadi
Nomu ufficiali:	Ricadi
Riggiuni:
Pruvincia:	Vibbu Valenzia (VV)
Cuurdinati:	Ammustra ntâ mappa
Superfici:	22 km²
Abbitanti:	4.471
Dinzitati:	203 ab./km²
Cumuni cunfinanti:	Drapia, Juòppulu, Spilinga, Trupea
CAP:	89866, 89865
Prifissu telefònicu:	0963
Situ ufficiali:

Ricàdi eni nu cumuni i 4.471 abbitanti dâ pruvincia i Vibbu Valenzia.

Giùgrafia

Cunfini dû cumuni

U paisi i Ricàdi eni misu ntô gurfu i Sant'Eufemia (Lamezzia Termi) e kiju i Gioia Tauru. Propriu u promontoriu dû Capu Vaticanu dividi i dui gurfi calabbrisi.

A Nordi cunfina cû cumuni i Trupìa, a Sud cu kiju i Ghioppulu e a Esti, pii l'entroterra versu u Munti Poru, cu kiji i Dràpia e Spìlinga, tutti misi nta pruvincia i Vibbu Valenzia. Ad Ovesti u cumuni è vagnatu pi 12 km du mari Tirrenu.

Frazziuna dû cumuni

I paisi du cumuni i Ricadi sugnu:

• Brivàdi
• Capu Vaticanu (Capo Vaticano)
• Ciaramìti
• A Banzoni (Lampazòne)
• Orsigliàdi
• Santa Dumìnica (Santa Domenica)
• Santa Maria
• San Nicolò
• Varvalàcuni (Barbalàconi)

Cosi particulari du territoriu i Ricadi

Misu nta a basi i l'altopinu dû Monti Poru, u territoriu si stendi finu ntô mari aundi a spiaggia dû Capu Vaticanu eni â megghiu. Sugnu bellissimi i fundali i Furmiculi, aundi si poti avvidiri nu saccu î scogghi fatti i roccia granitica, chini i nimali.

I panurami sugnu bellissimi si visti ntê spiaggi chi sugni fatti î sabbia ianca e fina (Grotticelli, Riaci e u Tonu).

A particulari forma dî territori cu valli e surchi i fiumi subba nu tipicu "terrazzamentu a graduna" faci vidiri strati i fossili du Miocene. Nta ncuni vallati si poti pigghari puru a felce gigante tropicale.

Venti

I venti chi tiranu ntê costi i Ricadi sugnu u ponenti (ovest), u sciroccu (sud-esti) e u libicciu (sud-ovesti), chi sugnu i vitari si si voli iri pi 'mari mu si pisca o mu si vaci sutt'acqua. U maestrali (nordi-ovesti), u ventu prevalenti, no faci danni a nuju.

Storia

U territoriu eni abitatu d'assai, già du periodu preistoricu e precristianu. Sugnu testimoni i reperti archeologici chi furu trovati e chi sugnu misi ntô museu nazionali i Riggiu Calabbria.

I Greci, Cartaginesi, Rumani, Bizantini, Arabi, Saracini, Nurmanni misiru tutti pedi nta Ricadi e s'imbentaru i primi stratuna e i turri pimmu difendinu i costi e i fiumi, influenzandu puru l'usi, u dialettu e i nomi di lochi.

Ricadi, e i paisi chi nci su vicunu, furu sutta a Trupìa finu o 1799, quandu u generali francesi Championnet criò u cumuni ndipendenti, aggiustandu u territoriu amministrativu di paisi vicinu a Trupìa.

Ricadi fu poi nu cumuni du distrittu i Monteleuni (oji Vibbu Valenzia), ntô Rignu di dui Sicili (Calabbria Ulteriori), pi nu decretu dû 1811, chi nci dezi nu pocu i fraziuna chi ancora restaru ntô cumuni stessu.

Economia

I risurzi conomici î Ricadi sugnu:

• a gricurtura: nta tuttu u cumuni veni curtivata e vinduta â cipuja russa, chi è duci ed eni ditta Cipuja Russa i Trupìa, oltre a autri ortaggi, agrumi e a 'Nduja. U paisi eni misu nta regioni agraria n. 4 (Colline Litoranee du Poru);
• a pisca: tanti pisci veninu piscati, comu i surici, a sogghula, a tracina, i tunnetti, i palamiti, i riccioli, i cerni, i dentici, i saraghi, l' orati, i gronghi, i spiguli, i cefali, i mureni, i pulipi;
• u turismu balneari: i megghiu spiaggi sugnu Capu Vaticanu, Grotticelli, Santa Maria, u Tonu, u Tonicellu, a Torre Marino, Furmicuili e a Baia i Riaci.

Curtura

Ricurrenzi

• Premiu letterariu pâ memoria i Giuseppi Bertu, autori venetu chi viviu nta Ricadi: si svolgi ogni annu nta giugno, premiando giuvani scritturi.
• Premiu sportivu dû Capu Vaticanu: si svolgi nta settembri e ogni annu veninu tanti genti du carciu nazzionali.
• Sagra dâ cipuja: u 13 agustu i ogni annu.
• Sagra dû gelatu: ogni stagiuni, nta lugliu.

Festi e Feri

• Festi Religgiosi
  • Festa i San Zaccaria u 5 novembri a Ricadi; San Biagio u 3 febbraru a San Nicolò; Sant'Antonio i Padova u 13 giugnu a Ricadi; Santa Duminica u 6 lugliu a Santa Duminica; Madonna dî Grazzi u 15 agustu a Santa Maria; festa i San Basiliu u 14 giugnu a Brivadi.

Musei

• Museu i l'arti cuntadina.

Associazioni

Ambientalisti

• Circulu dâ Legambenti i Ricadi - Capo Vaticano

Curturali

• Amici i Giuseppi Bertu (giuria du premiu letterariu)
• Noi i Ricadi (redazioni Terra Noscsa)

Sportivi

• SS Capo Vaticano
• FC Ricadi

Amminiscsazioni cumunali

• U Sindacu eni Pino Giuliano
• Taliefunu dû Comuni eni u 0963.663001
• Posta littronica: utcricadi@libero.it
• Statutu dû Comuni
• Gemellaggiu cû cumuni i Moglianu Venetu (Trevisu)

Bibliografia

• F. Arcella, "Ricadi, un balcone sul mare nel cuore della Calabria", Edizioni Mapograf, Vibo Valentia, 1989;

Purtali di la Calabbria – Jiti a l'artìculi di Wikipedia supra la Calabbria.