Sucità pi li Strati Ferrati di la Sicilia

St'articulu fa parti dâ seria
Trasporti e Vìculi
Sizzioni Trasporti...

Trasportu di passiggeri
Trasportu di merci - Liggi
Ferruvìi - Ariunàutica

Sizzioni Vìculi...

Menzi di trasportu
: Casi e Mudelli
: Casi e Mudelli
: Casi e Mudelli

La Sucità ppê Strati Ferrati dâ Sicilia, megghiu canusciuta comu la Sìcula era na sucità ppi la custruzzioni e la gistioni dê ferruvìiSicilia.

La sucità vinni furmata di na Banca a capitali furasteru, c'avìa la sò sedi a Roma quannu si furmaru li Cunvinzioni1885 ca sparteru la riti ferruviària taliana 'n tri granni gruppi. La Sìcula si pigghiau lu postu di l'àutri sucità c'apprima gistìvanu li lìnii ferruviàrii siciliani ntra li quali c'era la Sucità Vittoriu Emanueli. Chisti quannu subbintraru non avìanu ancora cumpritatu lu prugramma di custruzzioni pruggittatu e travagghiàvanu ncarrammati assai; ô 1° maiu 1876 la lunghizza di la riti ferruviària siciliana era di sulu 550 chilòmitri. La lìnia Palermu-Trapani-Marsala avìa trasutu 'n funzioni lu 5 di giugnettu1881. Ancora ntô 1885 tutta la Riti Sìcula cumprissivamenti ammuntava a 597 km.

La nova sucìtà cuntinuau alleggiu alleggiu li pruggeti di custruzzioni: ntô 1895 finarmenti fu cumpritata la Ferruvìa Palermu-Missina e â fini dô 1896 la riti dê "Strati Ferrati Sìculi" avìa arrivatu a 1.093 km .

A sta sucità ci vinni affidatu macari lu ncàricu di lu Trachettu nta lu Strittu di Missina, a nuvèmmiru1893, dànnuci la cuncissioni ppi la navigazzioni a vapuri attraversu lu Strittu cu l'òbbricu di fari armenu dù cursi ô jornu ntra Missina e Riggiu Calabbria, e di fàrini n'àutri dui ppi Villa San Giuvanni, quannu s'avissa cumpritatu la Ferruvìa Tirrènica Miriddiunali. Ntô 1894 la sucìtà Sìcula urdinau a la nnùstria navali na coppia di ferrabbotti, cu muvimentu a pali e mutura a vapuri, ca accuminciaru a fari sirvìzziu versu la fini dô 1896, d'apprima comu sèmprici piròschifi mentri ca si cumpritavunu l'attracchi, ditti macari nvasaturi. Li dui navi-trachettu èranu la Scilla e la Cariddi. Lu sirvìzziu di trachettu riulari di li vacuni merci ntra Missina e Riggiu, accuminciau a nuvèmmiru dô 1899 e lu 1 di aùstu 1901 la Sìcula fici lu primu trachettamentu di viaggiaturi dô cuntinenti a la Sicilia, facennu passari lu mari a li carrozzi purmannTrenu dirittissimu Roma-Sarausa.

1901 ô 1905 lu diritturi ginirali dâ sucità fu lu famusu ncigneri Riccardu Bianchi

L'annu doppu, lu 1906 la Sìcula vinni ncurpurata ntra li novi Ferruvìi dô Statu

Principali pruggetti cancia

Locumutivi:

  • Gruppu RS.400, ca appoi addivintàu gruppu 910 FS.