San Ciru martiri
San Ciru martiri (? Alissandria d’Eggittu - Canopu 31 di jinnaru 303)
Aggiografìa
canciaSantu Sufroniu, Patriarca di Gerusalemmi no VI seculu scrissi la Passioni di Santi Ciru e Giuvanni. Ciru era un medicu anargiru, cioè aiutava i malati senza picciuli. Giuvanni era un suldatu. Tutti dui camparu na Citati di Alessandria d’Egittu duranti a pirsicuzioni di Dioclezzianu versu lu 303-305. Richiamatu da fama du medicu alessandrinu un suldatu rumanu, Giuvanni di Edessa dicisi di sicutari l’omu ginirusu ca pridicava lu Cristianèsimu. ’Nsemmula jeru o carciri di Canopu pi cunfurtari Atanasia e i so tri figghi: Eudossia, Teodota e Teotista. Cà foru vastunati e i so carni cummigghiati d’acitu e sali, poi ’nfilati dintra na cuarara ca pici e poi ci tagghiaru a testa a tutti dui. I corpi foru pigghiati di Cristiani di Alissandria e sippilluti na Cresia di Santu Marcu.
Li Rilìqui
canciaNo 414 foru purtati a Menhoutis, vicinu a Canopu, unni oj c’è na località chiamata Abbou Kir, cioè San Ciru. No VII seculu dui monaci, Grimaldu e Arnolfu, pigghiaru i Riliquii di Santi e i purtaru a Roma na Cresia di Santa Prassedi e poi na Cresia di Sant’Ancilu na Piscaria. No 1665 Marineu era un borgu abitatu di cuntatini e pastura. Lu marchisi Girolamu Pilu si fici dari du Papa Alissandru VII la Reliquia da Testa, ca ancora oj è vinirata na Cresia Matrici. N’avutra parti di Riliquii sunnu a Monacu di Baviera na Cresia di San Micheli da Cumpagnia di Gesù e pi chistu na pocu di paisi unni foru i Gisuiti hanno Riliquii di Santi, comu Portici e Vicu Equensi (NA) Gruttagli (TA) e a Cresia du Gesù Novu a Napuli.