San Galganu
Galganu Guidotti (Chiusdinu, (SI), 1150 - Muntisiepi, (SI), 30 di nuvèmmiru 1181) è un Santu viniratu da Cresia Cattolica.
Aggiografìa cancia
Nasciu dâ Famigha Guidotti; lu nomu era cumuni na tutta la Tuscana. Lu patri si chiamava forsi Guidu, muriu nò 1178; la matri Diunisia. E’ certu ca fussi Cavalieri; la matri lu fici zitu cu na picciotta di Civitella di nomu Pulissena. Mentri java a truvari la zita ebbi na visioni di San Micheli e di l’Apostuli ca ci dicianu di frabbicari na Cresia tunna a onuri di Diu, da Madonna e di l’Apostuli. La muntagnola di Muntisiepi fu la so casa comu rimitu. Secunnu la liggenna azzeccò la spata ‘n terra e adurò comu fussi na Cruci. La spata di Galganu nziccata nti nu pezzu di timpa è ancora visibbili. Pari ca la zita, saputi ‘sti cosi, si facissi monaca. Tutti javanu ni Galganu pi affidarisi e sò prijeri e dumannarici cunsighu. Cominciò a nasciri na Comunità di rimiti ca ebbi nò 1181 l’appruvazioni dû Papa Alessandru III ca ci detti na pocu di Riliquii di Santi martiri. Ma c’era cu pruvava ‘nvidia pi Galganu e tintaru di scippari la spata di ‘n terra ma senza arrinèsciri. Galganu pigghiau cuntatti cu Munasteriu di San Sarvaturi di Giugnanu di l’Ordini gugliermita, forsi pi assuciarisi a iddi. Muriu lu 30 Nuvemmiri 1181 e fu sippillutu ô latu dâ spata lu 3 dicemmiri.
Canunizzazzioni cancia
Cuminciaru li pilligrinaggi di paralitici, artritici, prigiunieri, lebbrusi ô sò sapurcu e lu Papa Luciu III nominò tri cummissari pi esaminari la so vita.Lu Prucessu canonicu durò quattro jorna. Lu viscuvu Ugu di Vulterra autorizzò la costruzioni di na Cresia nica supra lu Munti Siepi pi custudiri lu Santu.
Riliquii cancia
No Museu Diucisanu di Siena è custudutu n’anticu Riliquiariu dâ Testa di San Galganu, ca ora si trova a Chiusdinu dintra un Riliquiariu mudernu.