San Giuseppi Cafassu

Giuseppi Cafassu ( Casteddu Novu di Asti ( oj Don Boscu ), 15 Jnnaru 1811 - Turinu, 23 Jugnu 1860 ) è un Santu viniratu da Cresia Cattolica.

Quatru di San Giuseppi Cafassu nò Santuariu da Cunsulata di Turinu

U patri si chiamava Giuvanni; a matri Ursula Beltramo. Fu u terzu di quattru fighi e l’ultima, Marianna, fu a matri di Giuseppi Allamanu. Studiò no seminariu di Chieri e u 21 Settemmiri 1833 fu fattu parrinu. Trasìu no Cunvittu Ecclesiasticu di San Franciscu a Turinu e c’arristò pi tutta a vita; cu sò 'nsignamentu addivintò na granni scola pi parrini e pridicaturi; specialmente patri cunfissura. Pridicava i Sarcizi Spirituali di Santu ‘Gnaziu di Loyola e cunfissava tanti ura o jornu: nobbili e puvuredda, viscuvi e parrini, funnaturi di Ordini Riliggiusi. Fu sempri prontu cu sò cunsigghiu a criari opri suciali. Si occupava di tutti: spazzacamini, orfani, firìti da guerra, ma suprattuttu purtava cunfortu e carità cu ministeriu e carcirati e cunnannati a morti. Fu pi chistu chiamatu U Parrinu da furca. Murìu a quarantanov’anni. Fu dichiaratu Biatu u 3 Maju 1925 du Papa Piu XI e fattu santu du Papa Piu XII u 22 Jugnu 1947. Nà tali circustanza u Papa u chiamò : Mudellu di vita sacerdotali, patri di puvuredda, cunsulaturi di malati, ajutu di carcirati, saluti di cunnannati. Na Littra Enciclica a Nostra Menti u innica comu mudellu pi tutti i parrini. A Festa è u 23 Jugnu.

I Riliquii

U Corpu sanu sanu è nò Santuariu da Cunsulata di Turinu

Bibbliografia

C. Salotti San Giuseppi Cafassu A perla dû Cleru talianu Ed. Santuariu da Cunsulata Turinu, 1960 Cucciddatu & C. San Giuseppi Cafassu u diretturi spirituali di Don Boscu Las Roma, 2008

Liami

dacasamadre.ismico.org/content/view/231/41/