San Luca Casali
Luca Casali (Nicusia (EN) IX seculu ??? - Aggira (EN) secunnu certuni ntô 890, secunnu autri ntô 1164) è nu santu dâ chiesa cattolica
Aggiografìa
canciaNasciu a Nicusia (EN) nò Quartieri di San Micheli Arcancilu nò IX seculu e comu scrissi un monacu chiamatu Bonu, studiau suttu a guida di un sant’omu e a deci anni fu purtatu nò Munasteriu di Santa Maria Latina a Aggira unni pigghiau a vesti di monacu basilianu e fu fattu parrinu. Aiutava tutti e quannu muriu l’Abati li monaci vulevanu a iddu comu succissuri, ma nun vosi accittari pi modestia e li monaci scrissiru ô Papa pi fallu divintari Abati. Addivintò orbu, ma si faceva accumpagnari di monaci. Na vota vicinu o na surgiva li sò cunfratelli lu vosiru buffuniari e ci dissiru ca c’eranu tanti genti pi ascutari a Parola di Diu. Iddu cuminciau a pridicari e quannu finiu detti la binidizioni e li petri dissiru: "Amin". I cunfratelli dumannaru pirdunu e ci dissiru di priari pi iddi.
Lu cultu
canciaMuriu no Munasteriu di Aggira lu 2 di marzu du 1164 secunnu certuni, o ntô 890 secunnu autri, e fu tumulatu ‘ntall’urna di San Fulippu e lu Papa lu fici Santu. I Citatini di Nicusia ficiru na Cresia ntô locu unni iddu fici la predica, na cuntrada di San Luca, ma poi cadiu pi na frana. A partiri du 1576 i nicusiani cuminciaru a priallu pa liberazioni da pesti e addumannaru o Papa di dichiarallu Patronu. La festa a spisi du Cumuni cuminciò a essiri cilibrata deci anni doppu. No 1596 lu sò Corpu fu attruvatu cu chiddi di San Fulippu parrinu, di San Fulippu Jacunu e Sant’Eusebiu. Lu Cumuni di Nicusia addumannau na Riliquia e ebbi na costula. Lu Papa Binidittu XIV parra d’Iddu e du so cultu ‘na Littra Apostolica “ Pi fari i Santi “ e ‘na Littra dû 1747 scritta all’Arciviscuvu di Missina.