San Luigi Oriuni
Luigi Oriuni ( Pontecuroni ( AL ), 23 Giugnu 1872 - Sanremu ( IM ), 12 Marzu 1940 è un Santu viniratu da Cresia Cattolica.
Biografìa
canciaFighu di umili operai, lu patri era selciaturi di strati e a matri fimmina di casa. A tridici anni trasìu nò Cummentu di Franciscani di Vughera e pi quattr’anni fu nall’Oratoriu di San Giuvanni Boscu di Valdoccu. Canuscìu puru l’opri di San Giuseppi Cuttulengu. Nò 1889 trasìu no Siminariu di Turtona (AL). A vintun’anni grapìu un Culleggiu pi poviri. Lu 13 Aprili 1895 fu fattu parrinu e attornu a iddu clerici e parrini furmaru u primu nucliu di l’Opria nica da Divina Pruvidenza. Visitava poviri e malati, ‘nsignava Catichisimu e picciriddi, pridicava, urganizzava Pilligrinaggi, Prucissioni, Pissèpi viventi e manifestazioni pupulari da Fidi. Granni divotu da Madonna diffunnìu a divuzioni cu tutti i manieri. Custruiu i Santuari da Madonna da Guardia a Turtona (1931) e da Madonna di Caravaggiu a Fumu (1938). Avìa un granni amuri pa Cresia e s interessò di problemi du sò tempu: a libirtà e l’unità da Cresia, a quistioni rumana, u modernisimu, u socialismu, i massi di l’operai can un eranu cchù cristiani. Cuinvulgìu i laici na carità e nall’impegnu civili cu l’Associazioni di Dami da Divina Pruvidenza, ex sculari, amici, l'Istitutu Secolari Orioninu e u Movimentu Laicali. U Viscuvu di Turtona, Mons. Igino Bandi, cu Decretu du 21 marzu 1903, ricanusciu canonicamenti a Cungregazioni riliggiusa di l’Opria nica da Divina Pruvidenza, cu un quartu votu di fidiltà o Papa. U Papa Piu X u stimava di persuna, Binidittu XIV, Piu XI e Piu XII c’affidaru ‘ncarichi dilicati. Pi curari tanti attività, funnò a Cungrigazioni di Fighi da Divina Pruvidenza e i Missiunari nichi da Carità; du latu spirituali e cuntimplativu i Rimiti da Divina Pruvidenza e i Soru Sacramintini, puru ca fussiru orbi. Nò tirrimotu du 1908 ca curpìu i Citati di Missina e Reggiu Calabria, purtò succursu all’orfani e si fici prumuturi da ricostruzioni morali e civili. A stissa uperusità addimustrò na l’aiuti e tir rimutati da Marsica nò 1915, pinsannu all’orfani, e dannu a tutti l’istruzioni e u travagghiu. U Papa Piu X u vosi numinari Vicariu Ginirali di l’Arcidiocesi di Missina. Doppu tri anni lassò a Sicilia e nò 1913 mannò i primi missiunari o Brasili, in Argentina e Uruguay (1921), in Palistina (1921), in Pulonia (1923), a Rodi (1925), nè Stati Uniti (1934), nall’Inghilterra (1935), in Albania (1936). Iddu stissu fici dui viaggi n’America Latina, in Argentina, Brasili, Uruguay, finu o Cile. A pirifiria di granni Citati fici custruiri tanti Cuttulengu nichi: a Genuva, Milanu, Buenos Aires, San Paulu du Brasili, Santiagu du Cile. Murìu u 12 Marzu 1940, a Sanremu. Fu dichiaratu Biatu u 26 Uttuviri 1980 du Papa Giuvanni Paulu II e fattu Santu du stissu Papa u 16 Maju 2004. A festa è u 12 Marzu; a Cungrigazioni da Divina Pruvidenza u fisteggia u 16 Maju.
Riliquii
canciaLu Corpu sanu sanu è nò Santuariu da Madonna da Guardia di Turtona (AL)
Bibbliografia: Pronzatu Alissandru San Luigi Oriuni, u foddi di Diu, Paulini, 2004