San Nicola di Tulintinu
Nicola di Tulintinu (S. Ancilu n Pontanu, 1245 - Tulintinu, MC 10 di sittèmmiru 1305) è un Santu viniratu da Cresia Cattolica.
Nun va cunfusu cu l'ômònimu Santu di Bari (ca poi di Bari nun era ma di Mira na Turchia) eppuru sò patri e so matri addumannaru la grazia di aviri un picciriddu propriu a dù Santu. Si chiamavanu Cumpagnuni e Amata Guarutti o Guarinti. Trasiu nall’Ordini di l’Agustiniani du sò paisi comu oblatu, vali a diri senza obblighi e voti riligiusi. Doppu li studi di tiuluggìa fu fattu parrinu dû viscuvu di Osimu San Binvinutu. La sò vita fu rigurusa, priava sempri, facìa pinitenza, avia vera carità cu tutti. Cuminciò a pridicari na tanti paisi di Marchi: a genti u circava; iddu visitava i malati, aiutava i puvuredda, facìa di upiraturi di paci ne vari fazioni da Citati. Tutti u vulevanu comu guida spirituali e pi cunfissioni. Era poi un omu di caratteri miti, umili, misericurdiusu, discretu. Diceva sempri “paroli duci “ di ‘ncuraggiamentu e esurtazioni. Avìa na granni divuzioni ô Crucifissu e la Virgini Maria. Si stabiliu a Tulintinu unni arristò pi trent’anni. E invucatu comu Santu miraculusu, prutitturi di l’Armi du Prijatoriu. La so vita fu scritta di un cuntempuraniu, certu Petru di Muntirubbianu. Na vota era malatu e ci affacciò la Madonna ca ci dissi si vulìa guariri s’havia a manciari un panuzzu friscu. Muriu lu 10 settemmiri 1305 e la sò morti fu un triunfu. Nò 1325 accuminciò lu Prucessu, ma s’appiru aspittari centuvint’anni finu ô 1446, quannu lu Papa Eugeniu IV lu dichiarò Santu a fini dû scisma da Cresia d’Uccidenti. Pi chistu è puru invucatu pi l’unitati da Cresia e l’ecumenisimu. Lu Papa Bunifaziu IX quarant’anni prima cuncidiu a ‘Ndulgenza Plinaria ê pilligrini ô so Sapurcu la duminica doppo la Festa ca è lu 10 Settemmiri.
Riliquii
canciaLu Corpu sanu sanu è nò Santuariu omonimu di Tulintinu.