San Niconi

Niconi ( Napuli ? - Taurmina (ME ), 23 Marzu 250 ) è un santu viniratu da Cresia Cattolica e Ortudossa.

Tavula bizantina di San Niconi

Fighu di patri grecu e matri cristiana, era un juvini surdatu o tempu du Guvirnatùri Quinzianu. Doppu na battaglia dumannò di essiri vattiatu. Partiu di Napuli e si nni ju a Custantinopuli. Arrivatu all’isula di Chius acchianò na muntagna e stesi dijunu e na prijera pi setti jorna. Truvata na varca si nni ju o Munti Ganus. Ccà truvò un viscuvu ca viveva di rimitu, ca si chiamava Teodoru e ca era statu viscuvu di Cizicu. Doppu avillu vattiatu e catichizzatu u fici parrinu e poi viscuvu. Cu autri novantanovi monaci ca u ficiru abati si nni ju all’isula di Lesbu e poi a Taurmina, unni si stabiliu vicinu o ciumi Alkesines ( Alcantara ) e cuminciò a pridicari u Vangelu. Quannu u Guvirnaturi Quinzianu u vinni a sapìri fici chiamari a Niconi e i sò novantanovi monaci; ci dumannò si eranu Cristiani e si eranu disposti a rinnigari a fidi. Dissiru di no e foru tutti ammazzati na cuntrada Scimandra vicinu a Casteddu di Mola, suttu a pirsicuzioni du ‘Mpiraturi Deciu nall’annu 250. A Festa è u 23 Marzu.

Bibbliografia: saintjohnwonderworker.org/menologion.htm (nto 'ngrisi)