San Pròspiru màrtiri
San Prospiru (Roma versu lu 280 - mortu a Roma versu lu 300 - 304) è un Santu da Cresia Cattolica vissutu e martirizzatu a Roma no 300 d.C. Nun ci sunnu Atti scritti, ma a tradizioni voli ca suttu l' Imperu di Dioclezzianu un nobili surdatu rumanu fussi statu ammazzatu pi non rinnegari a fidi Cristiana. Fu sippillutu ne Catacummi di San Callistu.
Lu cultu cancia
Quannu fu funnatu lu paisi di Catinanova du Principi Andria Giuseppi Riggiu Statella no 1736, fu dicisu di scartari un Santu Patronu ca significassi prospirità e lu 27 di giugnettu dû 1752 lu Viscuvu di Cifalù, Mons. Agatinu Maria Riggiu-Statella (frati di Andria ),si ni ju a Roma ne Catacummi e su autorizzazioni du Cardinali Antuninu Guadagni, Vicariu Ginirali du Papa Binidittu XIV, pigghiau lu Corpu dû Martiri Prospiru e lu purtau ntâ Matrici Cresia di Catinanova lu 24 di sittèmmiru 1752. Avutri paisi ca vosiru associarisi a prutizioni di San Prospiru foru Centorbi (EN) e Marianopuli (CL). A Centuripi un parrinu, Don Arcancilu Maccarruni si fici dari li Riliquii di Roma, fici fari a so spisi na statua di lignu e lu fici dichiarari Patronu. A Marianopuli si fa a festa a prima Duminica d’austu, a Centuripi lu 18 e 19 settemmiri, a Catinanova l’ ultima Duminica di settemmiri.