Santi Giuvanni e Cumpagni di Saraùsa

Giuvanni, Andria, Petru e Antoniu ( ? Saraùsa - Qayrawan o Kairouan 25 di sittèmmiru 884) sunnu Santi vinirati da Cresia Cattolica e Ortudossa.

Tavula Bizzantina di Santi Martiri

Andria era lu patri di Petru e Antoniu. Facìanu parti di patrizi bizzantini. Lu 21 di marzu 878 foru arristati comu Cristiani di l’Emiru Ibrahim ibn Acmad na l’assediu di Sarausa e purtati nò Nord-Africa comu buttinu. Petru e Antoniu foru educati comu mussulmani; s’appiru a ‘nzignari a lingua e i scienzi arabi e foru ‘ncarricati lu primu di arricogghiri i tassi e lu secunnu comu tesurieri. Quannu Ibrahim scupriu ca eranu Cristiani, li fici vastuniari e stirari appizzati nà aneddi di ferru. Antoniu fu misu supra nu sceccu e fattu girari pi tutta la citati, ma iddu dava lodi a Diu; doppu foru misi arrèri ‘n prigiuni. Giuvanni fu arristatu e lu stissu Ibrahim ci spincìu na spada nò coddu; a Andria ci fu tagghiata la testa e lu corpu du patri e di dui fighi foru poi abbruciati.

U menulogiu Grecu e u Martirulogiu Romanu riportanu u martìriu o 23 Settemmiri. A Festa era cilibrata da Cresia Cattolica u 23 Settemmiri ed è ancorta oj cilibrata da Cresia Ortudossa lu 25 Settemmiri.

Bibbliografia

• Ottaviu Caetani, Vite di Santi Siciliani, Palermu pressu i Cirilli, 1657
• Patri Alessiu, I Santi italu-greci na l’Italia meridionali, Calabria Edituri Patti, 2005