Simònidi (nti lu grecu anticu Σιμωνίδης ; Ìsula di Ceu, avveri lu 555 a.C.Girgenti, 467 a.C.) fu nu pueta lìricu grecu. Fu l'accuminciaturi di la sicunna fasi di la lìrica curali, ca cumprenni, oltri a iddu, macari a Pìndaru e Bacchìlidi. La sò òpira, assai rinnuvanti, è sinnata di na forti attinzioni ppi li riflissioni ètichi, ma è a lu stissu tempu nfluinzata di lu clima culturali ca si furmau 'n sècutu a l'affirmazzioni di li tirànnidi, ca voli ca la puisìa curali avissi a èssiri nfluinzata di li pritisi di lu cummittenti, oltri ca di lu pùbbricu e di l'uccasioni di la performance.