Ammazzatina di Bologna

L'ammazzatina di Bologna fu unu di l'atti terrurìstici cchiù gravi chi hannu nzanguniatu l'Italia ntû secunnu doppuguerra, abbinutu Sàbbatu 2 di austu 1980.

Li danni causati dû scoppiu dâ bumma

Ê 10.25 ntâ sala d'aspettu dâ stazzioni ferruviarìa di Bologna scuppiau na bumma a tempu cuntinutu nta na valiggia abbannunata, ammazzannu ottanta cincu pirsuni, allazzarànnucci n'àutru dui centu. Pi Bologna e pi l'Italia fu na drammàtica presa di cuscienza dâ ricrudiscenza dû terrurismu.

La sparatina si ntisi ntô raggiu di tanti chilòmitri e distrudìu na gran parti dâ stazzioni ammurrannu lu trenu Ancona-Chiasso.

'N ddu jornu la stazzioni era affuddata di turisti e pirsuni 'n partenza o di ritornu dî vacanzi. La citati - mpriparata pi tali circustanza - rispunnìu cu pristizza: nun essennu sufficienti l'ambulanzi pi traspurtari li firiti a l'ospitali cittadini, vinneru usati puru autobus e taxi.