'''Lercara Friddi''' è un paisi ca s'attrova a 67 chilòmitri di [[Palermu]] a 660 metri supra luu liveddu dû mari. L'attuali sìnnacu si chiama Gaetano Licata. A Lercara cc'èranu li mineri di sùrfaru e quannu chiueru, nna l'anni cinquanta, li surfarari cchiù picciotti emigraru a lu [[Belgiu|Bergiu]] pi travagghiari nta li mineri di carvuni. Lu paisi, chi tannu facìa quinnicimila abbitanti, si spupulau e ora cci stannu settimila cristiani. A Lercara si pò vidiri na bedda villa in stili ingrisi chi appartinìa a na famigghia di prupritari di surfari, li Gardner Rose. Oi laSta custruzzioni èfu abbannunata di li so patruna e lu jardinu è chinu di erba e munnizza, ma di fora si vidi ancora quantu era bedda sta villa e comu a st'ingrisi di l'[[Sèculu XIX|Ottucentu]] circàvanu di vìviri comu a paisi d'iddi. Lu misi passatu accuminciaru li travagghi pi ristaurari e aggiustari la villa chi fu accattata di lu Cumuni.
La chiazza principali di Lercara, unni si po' ammirari la Chiesa Matrici, fu arrè ammadunata comu un tempu, cu granni bbalati di mmarmu iancu ed è assa bedda a vidisi, essennu addumata di tanti lampiuna quannu accumincia a scurari
[[Category category:Cumuni dâ pruvincia di Palermu]]
