"Gammazzita" : Diffirenzi ntrê virsioni
Contenuto cancellato Contenuto aggiunto
Nuddu riassuntu dû canciamentu |
Nuddu riassuntu dû canciamentu |
||
Riga 1:
== Lu puzzu==
Ntô centru stòricu di [[Catania]], vicinu o [[casteddu Ursinu]], s’attrova lu [[puzzu]] di '''Gammazzita'''.
Stu puzzu, custruitu ntô XII sèculu, era alimintatu di l’acqui dû ciumi [[Amenanu]], ma oggi è quasi siccu; vinni pi bona parti cummigghiatu dâ lava di l’erruzzioni dû [[1669]] e si cci po’ jiri facennu na rampa di scali ca porta nta ssa funtana, addivintata suttirrania. Ntê mura di stu puzzu, si vìdunu li macchi di [[sangu]] lassati di Gammazzita (si tratta, pi viritati, di dipòsiti ferrugginusi lassati di na surgenti minirali, già sicca di quarchi tempu).
==La liggenna==
Dici la [[liggenna]] ca quannu la mala signurìa francisa duminava la [[ Sicilia]], na [[picciottu|picciotta]] ca si chiamava Gammazzita, jeva ogni gn’jornu a pigghiari l’acqua nta nu puzzu. Pi strata, o spissu, vinìa scuncicata d’un surdatu francisi, finu a quannu, nu jornu , junta a lu puzzu, si lu truvau d’avanti. Lu surdatazzu, sùbbutu, ci misi li manu ncoddu e Gammazzita nun sapìa a cui addumannari ajutu, ca nuddu c’era ntê vicinanzi. Allura, pi nun cèdiri a lu francisi e pi nun èssiri disunurata, la [[carusu|carusa]] si jittau d’intra û puzzu.<br>
Quannu quarc’unu attrovau lu corpu di Gammazzita ntô puzzu, nta lu quarteri s’arricurdaru di chiddu ca cuntava e ca si lamintava la picciotta e accussì lu surdatu francisi vinni ammazzatu e, di ddocu, accuminciau la rivorta ca scacciau li angiuini
==La virità stòrica==
La rivorta, pi viritati stòrica, prima di Catania, accuminciau a [[Palermu]], a [[Curliuni]] e, appoi, a [[Missina]]
Pi cummàtiri contru li francisi, lu pòpulu sicilianu s’attruvù sulu. Macari lu [[Papa Martinu IV]] ci mannò la scumùnica contru li siciliani ca s’avianu pirmissu d’aribbiddàrisi a li sò signuri.
| |||