Titulazzioni

I titulazzioni su opirazioni d'analisi quannitativa ca permettinu di determinari a concentrazioni di nna certa speci in soluzioni (analita) grazi all'effettu di na reazioni quannitativa (praticamenti cumpleta) c'un reagenti a concentrazioni canusciuta (titulanti). Naturalmenti s'ava canusciri a stichiomitria dâ reazioni usata. U titulanti s'ava ungiri a picca a picca e s'ava canusciri cu sufficienti pricisioni u so volumi; pirciò u titulanti veni misu cu dusatura tarati (burette). L'ungiuta di titulanti av'a essiri fatta finu a quannu un s'arriva au puntu d'equivalenza, cioè u puntu unni fu ungiuta nna quantità stechiometrica di titulanti rispettu all'analita. U puntu d'equivalenza è diversu d'u puntu finali, ca è u puntu unni u sistema nnicaturi, visivu o strumentali, signala a fini d'a titulazzioni. Idealmenti i du punti assir'a coincidiri; quannu chissu un succedi s'avi nnu sbagliu di titulazzioni cchiù o menu 'mpurtanti a secunnu dî casi.